18-20 ივნისს სომხეთში ფესტივალი გაიმართება, რომელიც ქართველ კომპოზიტორსა და სახალხო არტისტს, გია ყანჩელს ეძღვნება. ფესტივალის ფარგლებში დაგეგმილია ორი სიმფონიური ორკესტრის კონცერტი, სადაც ყანჩელის შემოქმედებას დაუკრავენ.

18 ივნისს, არამ ხაჩატურიანის სახელობის საკონცერტო დარბაზსში, წარმოდგენილი იქნება საფორტეპიანო, დასარტყამი და სიმებიანი ორკესტრის კონცერტი, სიოს შესრულებით. ასევე ღამის მლოცველები წარმოადგენენ სიმებიან კვარტეტს და კლარინეტს, შეასრულებენ მეოთხე სიმფონიას სახელწოდებით ინ მემორია მიქელანგელო.

მსოფლიოში ცნობილი კლარინეტისტი კანადელი ჯულიენ მილკინსი სომხეთის ახალგაზრდულ ორკესტრთან ერთად დაუკრავს.

19 ივნისს, კომიტის კამერული მუსიკის სახლი კამერული მუსიკის საღამოს უმასპინძლებს, სადაც აკორდიონისტი ალექსანდრე სევასტიანი და კლარინეტისტი ჯულიან მილკინსი სოლო კონცერტს გამართავენ. ისინი გია ყანჩელის იმ ცნობილ ნაწარმოებებს შეასრულებენ, რომლებიც თეატრისა და კინოსთვის დაიწერა.

ფესტივალი 20 ივნისს დასრულდება არამ ხაჩატურიანის საკონცერტო დარბაზში. სომხეთის ახალგაზრდული ორკესტრი, სოლისტი ალექსანდრე სევასტიანი და ორკესტრის ჩასაბერ საკრავთა კვინტეტი ყანჩელის იმ ნაწარმოებებს წარმოადგენს, რომლებიც სომხეთში პირველად დაიკვრება.

ფესტივალის ორგანიზატორია სომხეთის ახალგაზრდული ორკესტრი და სომხეთის კულტურის სამინისტრო.