პრეზიდენტი ბაიდენი და კანცლერი შოლცი პირობას დებენ, რომ უკრაინის მხარდასაჭერად თანამშრომლობას გააგრძელებენ.

რატომ არის მნიშვნელოვანი: ეს შოლცის პირველი მოგზაურობაა ვაშინგტონში მას შემდეგ, რაც რუსეთი უკრაინას თავს დაესხა.

  • შეხვედრის მთავარი თემა ჩინეთის მიერ რუსეთისთვის იარაღის მიწოდების შესაძლებლობა იყო.
  • ჩინეთი არის გერმანიის ყველაზე დიდი სავაჭრო პარტნიორი. ექსპერტების შეფასებით, თუ აშშ მას რუსეთის დახმარებისთვის დაასანქცირებს, ამან შესაძლოა ბერლინს პრობლემები შეუქმნას.

დეტალები: პარასკევს, გერმანიის კანცლერმა აშშ-ს პრეზიდენტთან მოლაპარაკებები დახურულ კარს მიღმა გამართა, თუმცა მხარეებმა კომენტარი გააკეთეს პრესასთან.

  • შოლცმა აღნიშნა, რომ აშშ-ს და გერმანიას შორის ურთიერთობები კარგ ფაზაშია და დასძინა, რომ მნიშვნელოვანია მათი ტრანსატლანტიკური ერთობის შენარჩუნება უკრაინის მხარდასაჭერად.
  • აშშ -ს ლიდერმა მადლობა გადაუხადა შოლცს უკრაინის ურყევი მხარდაჭერისთვის და მოიწონა გერმანიის გადაწყვეტილება ენერგეტიკული წყაროების დივერსიფიკაციასთან დაკავშირებით, რაც რუსულ გაზზე დამოკიდებულებას ამცირებს.

ამასთანავე, უკრაინის პრეზიდენტმა განაცხადა, რომ ვითარება აღმოსავლეთის ფრონტის ხაზზე უფრო და უფრო რთულდება.

  • ზელენსკის თქმით, რუსეთის შესაჩერებლად არტილერია და ჭურვებია საჭირო, ხოლო დროის ფაქტორი გადამწყვეტია და მათ სჭირდებათ რაც შეიძლება მალე მიიღონ დაპირებული სამხედრო ტექნიკა.