დიმიტრი პესკოვმა პუტინის უახლეს გეგმებზე იზვეტიესთან ინტერვიუში ისაუბრა.

რატომ არის მნიშვნელოვანი: ინტერვიუში კრემლის სპიკერმა მომავალ საპრეზიდენტო არჩევნებზე, ჩინეთის სამშვიდობო გეგმასა და რუსეთისა და ბელარუსის გაერთიანების გეგმებზე მოგვითხრო.

  • კრემლის პრესსპიკერის განცხადებით, ვლადიმერ პუტინი ღია ნებისმიერ კონტაქტისთვის, რაც რუსეთს მიზნების მიღწევაში დაეხმარება.

დეტალები: პესკოვის თქმით, მიუხედავად იმისა, რომ ევროპის ლიდერები რუსეთ-უკრაინის ომის ფონზე დიალოგის აუცილებლობაზე საუბრობენ, ოკუპანტ ქვეყანას მოლაპარაკებებზე შეთავაზება არ მიუღია.

  • პესკოვის შეფასებით, რუსეთისა და ჩინეთის ინტერესები და მსოფლმხედველობა დიდწილად ერთმანეთს ემთხვევა, ხოლო ჩინეთის მიერ შეთავაზებულ სამშვიდობო გეგმა ნახევრად იმეორებს მოსკოვის ინიციატივებს.
  • პრესსპიკერმა აღნიშნა, ამ მოცემულობაში საბჭოთა კავშირის აღდგენა შეუძლებელია, თუმცა არსებობს ინტეგრაციის თანამედროვე ფორმები, რისი ყველაზე "მოწინავე და უსწრაფესი ფორმა არის რუსეთ-ბელორუსის საკავშირო სახელმწიფო".
  • პუტინის საპრეზიდენტო არჩევნებში მონაწილეობასთან დაკავშირებით, პესკოვი აცხადებს, რომ საჭიროა მოთმინება იქონიონ, რადგან:
  • "ჯერჯერობით არ არსებობს არც წინასაარჩევნო და არც საარჩევნო განწყობები — პუტინს ბევრი საქმე აქვს. ახლა ამისთვის ნამდვილად არ ცალია".