გადაწყვეტილება ბათუმის საქალაქო სასამართლომ გამოაცხადა.

რატომ არის მნიშვნელოვანი: ოზთურქი ბათუმში სპეცოპერაციის დროს დააკავეს — საგამოძიებო მოქმედებები ჩატარდა როგორც მის საცხოვრებელ მისამართზე, ასევე, კომპანიაში.

  • საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და 8 წელი მიუსაჯეს.
  • დაცვის მხარე ბათუმის საქალაქო სასამართლოს გადაწყვეტილების გასაჩივრებას გეგმავს.
  • როგორც ადვოკატმა ფორმულასთან თქვა, დღეს მოსამართლემ მხოლოდ სარეზოლუციო ნაწილი წაიკითხა და დასაბუთების სრულად გაცნობის შემდეგ, უფრო დეტალურად ისაუბრებს.

დეტალები: ოზთურქს ბრალი ორი მუხლით ჰქონდა წარდგენილი.

  • 261-ე მუხლის მესამე ნაწილის "ა" ქვეპუნქტი — დიდი ოდენობით ფსიქოტროპული ნივთიერების უკანონო შეძენა და შენახვა;
  • 260-ე მუხლის პირველი ნაწილით და მე-6 ნაწილის "ა" ქვეპუნქტი — განსაკუთრებით დიდი ოდენობით ნარკოტიკული საშუალების უკანონო შეძენა და შენახვა.

გარდა ამისა, ოზთურქს ბრალი კიდევ ორ მუხლში აქვს წარდგენილი, რომელზეც გამოძიება გრძელდება.

  • ეს მუხლებია 210-ე მუხლის პირველი ნაწილი — ქონებრივი უფლებამოსილების დამადასტურებელი ყალბი დოკუმენტის დამზადება და გამოყენება;
  • 194-ე მუხლის მე-3 ნაწილის "ბ" ქვეპუნქტი — უკანონო შემოსავლის ლეგალიზაცია, ფულის გათეთრება, რასაც თან ახლდა განსაკუთრებით დიდი ოდენობით შემოსავლის მიღება.
  • ბრალდებები სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.