ახალ დადგენილებამდე უვიზო რეჟიმის მქონე ქვეყნების მოქალაქეებს, მათ შორის, უკრაინელებს საქართველოში 1 წლის გატარების უფლება ჰქონდათ.

რატომ არის მნიშვნელოვანი: უკრაინაში რუსეთის არაპროვოცირებული სრულმასშტაბიანი შეჭრის შემდეგ არა ერთმა უკრაინელმა დაკარგა სახლი და ქვეყნის დატოვება მოუხდათ.

  • უკრაინელთა ნაწილი სწორედ საქართველოში შემოვიდა და აქ ცხოვრობენ.

დეტალები: მთავრობის ახალი დადგენილება 2023 წლის 24 თებერვლიდან შევიდა ძალაში.

  • "დანართში მითითებული ქვეყნების მოქალაქეებს აქვთ საქართველოში უვიზოდ შემოსვლისა და სრული 1 წლის ვადით ყოფნის უფლება, გარდა უკრაინის მოქალაქეებისა";
  • "უკრაინის მოქალაქეებს აქვთ საქართველოში უვიზოდ შემოსვლისა და სრული 2 წლის ვადით ყოფნის უფლება", — მითითებულია კანონში.