ღარიბაშვილი: ყოვლად გაუმართლებელია ის ომი, რომელიც წამოიწყო რუსეთმა

24 Feb. 2023, 15:09

ბუნებრივია, ჩვენი საუბარი შეეხო უკრაინის ომს. ჩვენ ვთანხმდებით, რომ ჩვენი ხედვა უნდა დაეფუძნოს გრძელვადიანი მშვიდობის მიღწევას უკრაინაში, რომელიც იქნება წინაპირობა იმისა, რომ შეიქმნება მყარი საფუძველი მშვიდობიანი განვითარების. ჩვენი მთავარი ამოცანა უნდა იყოს, ყველა ქვეყნის ლიდერის, რომ მსოფლიოში იყოს მშვიდობა და არ დავუშვათ ომების გაგრძელება. ეს უნდა იყოს ყველას მთავარი საზრუნავი.

რა თქმა უნდა, მე ასევე მინდა აღვნიშნო, რომ დღეს 24 თებერვალს უკვე 1 წელი გავიდა მას შემდეგ, რაც დაიწყო ეს დამანგრეველი ომი უკრაინაში. ყოვლად გაუმართლებელია ის ომი, რომელიც წამოიწყო რუსეთმა. იცით, რომ ომის დაწყების პირველივე დღეებიდან ქართველი ხალხი გვერდით უდგას უკრაინელ ხალხს. ჩვენ ათასობით უკრაინელს ვუმასპინძლეთ საქართველოში. ჩვენ მაქსიმალური მხარდაჭერა აღმოვუჩინეთ ჩვენს უკრაინელ ძმებს და დებს.

ასევე, იცით, რომ ჩვენ ვიყავით თანასპონსორი გაეროს რეზოლუციის. ასევე ჩემი დავალებით ბატონი საგარეო საქმეთა მინისტრი იმყოფება ახლა ნიუ-იორკში, სადაც თავად მიიღო მონაწილეობა გაეროს ასამბლეის ფარგლებში გამართულ ღონისძიებაში, რომელიც მიეძღვნა უკრაინის ომს, ომის წლისთავს. ჩვენ კიდევ ერთხელ გამოვხატეთ სოლიდარობა, პოზიცია დავაფიქსირეთ — ჩვენ მხარს ვუჭერთ უკრაინის ტერიტორიულ მთლიანობას და სუვერენიტეტს. გვინდა, რომ ეს ომი რაც შეიძლება მალე დასრულდეს და აღდგეს მშვიდობა, ეს არის ჩვენი მთავარი გზავნილი.

ბოლო ამბები:

ირაკლი ღარიბაშვილი ღარიბაშვილი: ყოვლად გაუმართლებელია ის ომი, რომელიც წამოიწყო რუსეთმა

კომენტარები

კვირის ტოპ-5

გირჩევთ

ახლა კითხულობენ

1.4 მლნ წლის ნაკვალევის მიხედვით, ადამიანის წინაპარი, შესაძლოა, გაცილებით დიდი იყო