ოთხშაბათს, მართლმსაჯულების საერთო სასამართლომ (ICJ) მიიღო გადაწყვეტილება, რომლის თანახმადაც აზერბაიჯანს ლაჩინის დერეფნის გახსნა და მოძრაობის აღდგენა დაევალა.

რატომ არის მნიშვნელოვანი: ლაჩინის დერეფანი, რომელიც მთიანი ყარაბაღისთვის ერთადერთი დამაკავშირებელი გზაა სომხეთსა და დანარჩენ მსოფლიოსთან, მესამე თვეა ბლოკირებულია. რეგიონში ჰუმანიტარული კრიზისია.

  • ალიევი უარყოფს, რომ მთიანი ყარაბაღი ბლოკადაშია. იგი ამტკიცებს, რომ "ეკო აქტივისტები", რომლებმაც მესამე თვეა გზა გადაკეტეს, გულანთებული აზერბაიჯანელი ახალგაზრდები არიან, რომლებიც რეგიონში გარემოსდაცვითი ნორმების დარღვევას აპროტესტებენ.
  • სომხეთის პრემიერ-მინისტრმა განაცხადა, რომ ლაჩინის დერეფნის ბლოკადა არღვევს 2020 წლის მთიანი ყარაბაღის ცეცხლის შეწყვეტის შეთანხმებას და ხაზს უსვამს, რომ ლაჩინის დერეფანი აზერბაიჯანის კონტროლის მიღმა უნდა იყოს.

დეტალები: ჰააგის სასამართლოში მთიანი ყარაბაღის ბლოკადის შეწყვეტას 13 ხმით 2-ის წინააღმდეგ დაუჭირეს მხარი.

  • მიუხედავად იმისა, რომ გადაწყვეტილება იურიდიულად სავალდებულოა, სასამართლოს არ გააჩნია მისი აღსრულების უფლებამოსილება.
  • ICJ-მ უარყო სომხეთის ორი სხვა მოთხოვნა, აზერბაიჯანს დავალებოდა თვითგამოცხადებული "ეკო აქტივისტების" მხარდაჭერისა და ყარაბაღის ენერგომომარაგების შეფერხების შეწყვეტა.
  • ასევე, სასამართლომ არ დააკმაყოფილა აზერბაიჯანული მხარის მოთხოვნა, სომხეთს ყარაბაღის და მიმდებარე ტერიტორიის დანაღმვა აჰკრძალოდა.

მხარეთა შეფასებები: სომხეთის საგარეო საქმეთა სამინისტრო მიესალმა ICJ-ის გადაწყვეტილებებს და საერთაშორისო პარტნიორებს მოუწოდა, გადადგან ქმედითი ნაბიჯებში მთიან ყარაბაღში ჰუმანიტარული კრიზისის დასასრულებლად.

  • აზერბაიჯანის საგარეო საქმეთა სამინისტრომ პირობა დადო, რომ გააგრძელებს სომხეთის პასუხისმგებლობის მოთხოვნის მცდელობას.