საგამოძიებო ცენტრი დოსიე დაზვერვის წყაროებზე დაყრდნობით რუსეთის მიერ ბელარუსის შთანთქმის სტრატეგიული გეგმის დეტალებს აქვეყნებს.

რატომ არის მნიშვნელოვანი: ბელარუსი განიხილება როგორც რუსეთის სატელიტი ქვეყანა და ოკუპანტის ერთადერთი ღია მოკავშირე უკრაინასთან ომში.

  • სრულმასშტაბიანი ომის დაწყების პირველი დღიდან ლუკაშენკომ პუტინს ქვეყანა სამხედრო-საწვრთნელ პოლიგონად გადასცა, საიდანაც ჯარები და სამხედრო ტექნიკა უკრაინაში იგზავნება.

დეტალები: დოსიეს ცნობით, კრემლს 2030 წლამდე ბელარუსთან დაკავშირებით შემდეგი გეგმები აქვს:

  • ქვეყნის კანონმდებლობის რუსულთან ადაპტირება.
  • ბელარუსის ტერიტორიაზე რუსი სამხედროების რაოდენობის გაზრდა.
  • ბელარუსელებისთვის რუსული მოქალაქეობის მინიჭება.
  • რუსული ენის გავრცელება და მშობლიური ენის ეტაპობრივი ჩანაცვლება.

ბელარუსის დაპყრობის სტრატეგია რუსეთის შიდა დაზვერვის, ფედერალური უსაფრთხოების სამსახურის, გენშტაბის მთავარი სამმართველოსა და შეიარაღებული ძალების გენერალური შტაბის დაგეგმილია.

  • გეგმაზე შესაბამისი უწყებები იმ დროს მუშაობდნენ, როდესაც ოკუპანტი ქვეყნის პრეზიდენტი უკრაინაში შეჭრას გეგმავდა.
  • სამ ეტაპიანი გეგმა დასახული მიზნების შესრულებას 2023 წლისთვის მოიაზრებს.