ამის შესახებ ინფორმაციას ლელოს პრესსამსახური ავრცელებს.

რატომ არის მნიშვნელოვანი: 24 თებერვალს რუსეთის უკრაინაში შეჭრიდან ერთი წელი გადის.

  • როგორც ინფორმაციაში ნათქვამი, პარტიის დელეგაცია ომის დაწყების ერთი წლისთავისადმი მიძღვნილ საგანგებო სხდომას დაესწრებიან.
  • სხდომაში მონაწილეობას მთელი მსოფლიოდან სხვადასხვა დელეგაციები მიიღებენ.

დეტალები: კიევში სამდღიანი ვიზიტით მამუკა ხაზარაძე, ბადრი ჯაფარიძე, სალომე სამადაშვილი და გრიგოლ გეგელია მიემგზავრებიან.

  • პარტიის ცნობით, ისინი, ვიზიტის ფარგლებში, შეხვედრებს გამართავენ რადაში — შეხვდებიან უკრაინის მმართველი პარტიისა და სხვა პოლიტიკური სპექტრის წარმომადგენლებს.

24 თებერვალს უკრაინის პარლამენტმა, სხვა ქვეყნებთან ერთად, საქართველოს საპარლამენტო დელეგაციაც მიიწვია, თუმცა საქართველო კიევში არ ჩავა.

  • ამის შესახებ განცხადება ჯერ ირაკლი ზარქუამ გაავრცელა და აღნიშნა, რომ როდესაც უკრაინის მაღალჩინოსნები ჩვენს სახელმწიფოს მეორე ფრონტის გახსნისკენ მოუწოდებენ, ეს დიპლომატიური ურთიერთობების სივრცეს აღარ ტოვებს.