რუსეთთან პოტენციურ სამშვიდობო შეთანხმებაზე უკრაინის პრეზიდენტმა BBC-თან ინტერვიუში ისაუბრა.

რატომ არის მნიშვნელოვანი: ზელენსკი რუსეთთან სამშვიდობო შეთანხმების ფარგლებში თავისი ქვეყნის რომელიმე ტერიტორიის დათმობას გამორიცხავს.

  • რუსეთმა უკრაინაზე სარაკეტო თავდასხმები ყველა მიმართულებით გააქტიურა.

  • უკრაინის ცნობით, თებერვალში რუსი ჯარისკაცების სიკვდილიანობა საგრძნობლად გაიზარდა.

  • უკრაინის პრეზიდენტი გასულ კვირას ბრიტანეთისა და ევროკავშირის ლიდერებს შეხვდა ქვეყნის დასაცავად შესაბამისი სამხედრო დახმარების მოსაპოვებლად.

დეტალები: ზელენსკის შეფასებით, რუსეთთან ტერიტორიების დათმობა ნიშნავს იმას, რომ ისინი კვლავ დაბრუნდებიან ქვეყნის სუვერენიტეტის შესალახად.

  • მისი განცხადებით, საგაზაფხულო შეტევები უკვე დაწყებულია, თუმცა აქვს მოლოდინი, რომ უკრაინელებს შესწევთ წინააღმდეგობის გაწევის ძალა.
  • იგი ასევე აქცენტს აკეთებს დასავლეთის მხრიდან სამხედრო დახმარების მიწოდების აუცილებლობასა და ოპერატიულობაზე.
  • "რა თქმა უნდა, თანამედროვე იარაღი აჩქარებს მშვიდობას. იარაღი არის ერთადერთი ენა, რომელსაც რუსეთი ესმის", — განუცხადა ზელენსკიმ BBC-ს.
  • "დიალოგი პუტინთან? არა იმიტომ, რომ ნდობა არ გვაქვს", — ამბობს ის.

  • "დღეს ჩვენი გადარჩენა ჩვენი ერთიანობაა, ხოლო ნებისმიერი ტერიტორიული კომპრომისი ჩვენ, როგორც სახელმწიფოს, უფრო სუსტს გახდის", — განაცხადა ზელენსკიმ.