ამის შესახებ გადაწყვეტილება თბილისის საქალაქო სასამართლოში მოსამართლე რომეო ტყეშელაშვილმა გამოაცხადა.

რატომ არის მნიშვნელოვანი: 2022 წლის 21 მაისს კაცმა თბილისში, ავტობუსში, არასრულწლოვანი შვილების თანდასწრებით ცოლი მოკლა.

  • საქმეზე გამოძიება სისხლის სამართლის კოდექსის 11 პრიმა და 109-ე მუხლით მიმდინარეობდა, რაც დამამძიმებელ გარემოებაში ოჯახის წევრის განზრახ მკვლელობას გულისხმობს.

დეტალები: სასამართლოს გადაწყვეტილების მიხედვით, როინ მებონია გამოჯანმრთელებამდე სასჯელს ფსიქიკური ჯანმრთელობის ეროვნულ ცენტრში მოიხდის, შემდეგ კი სასჯელაღსრულების დაწესებულებაში გადაიყვანენ.

  • მებონიას ადვოკატი ამბობს, რომ უკეთესი იქნებოდა, შეწყვეტილიყო სისხლის სამართლებრივი დევნა და ისე გაეშვათ სამკურნალო დაწესებულებაში, რადგან ის იყო შეურაცხადი და ვერ ხვდებოდა რას აკეთებდა.
  • მისივე თქმით, გადაწყვეტილებას გაასაჩივრებს და ხელახალ ექსპერტიზას მოითხოვს.
  • დაზარალებული მხარე როინ მებონიას უვადო პატიმრობას ითხოვდა.