ოკუპანტი ქვეყნის პრეზიდენტმა ამის შესახებ ვიდეოში საუბრობს და Telegram-ზე აქვეყნებს.

რატომ არის მნიშვნელოვანი: რუსეთ-უკრაინის ომში მოლაპარაკებების საკითხი არაერთხელ გააქტიურდა.

  • 4 ოქტომბერს ზელენსკიმ პუტინთან მოლაპარაკებაზე უარი ოფიციალურად თქვა.
  • უკრაინის პრეზიდენტის ეს გადაწყვეტილება პუტინის მიერ უკრაინის 4 რეგიონის ანექსირებულად გამოცხადებას მოჰყვა, რაზეც ზელენსკიმ თქვა, რომ დიალოგისთვის მზად არის, თუმცა მხოლოდ სხვა პრეზიდენტთან.

დეტალები: მეტიც, პუტინს, რა თქმა უნდა, არ ერიდება და ისევ ირწმუნება, თითქოს მისი მიზანი რუსი ხალხის გაერთიანება იყო და "ეროვნული და მოქალაქეების ინტერესების" დაცვაზე საუბრობს.

  • "დაყავი და იბატონე" — ისინი ამას ყოველთვის ცდილობდნენ, ახლაც ცდილობენ, მაგრამ ჩვენი მიზანი სხვა, რუსი ხალხის გაერთიანებაა", — ამბობს ის.

  • კითხვაზე, უახლოვდება თუ არა გარკვეულ "საშიშ ხაზს", ამბობს, რომ არჩეული გზის სისწორეში დარწმუნებულია.

  • "მზად ვართ, ამ პროცესის ყველა მონაწილესთან ვისაუბროთ რაღაც მისაღებ შედეგებზე, მაგრამ ეს მათი საქმეა — ჩვენ ხომ არ ვამბობთ უარს მოლაპარაკებებზე, არამედ ისინი".

პუტინი იმეორეს აქამდე არაერთხელ გაჟღერებულ ნარატივებს, კერძოდ, ამბობს, რომ "იძულებული გახდნენ" ყირიმში შეჭრით თავისი მოსახლეობის ინტერესები დაეცვათ.

  • "ჩვენ უნდა დაგვეჭირა მხარი ყირიმელების არჩევანისთვის, ყველაფერი ამით დაიწყო", — ამბობს ის.
  • ისევ გააკრიტიკა დასავლეთი და თქვა, რომ უკრაინის კრიზისში რუსეთი ვერ მოიქცეოდა ისე ცინიკურად, როგორც ეს დასავლეთმა გააკეთა.
  • შემდეგ კი რუსეთის "განსხვავებულ ფილოსოფიასა და მიდგომებზე" ისაუბრა, ბოლო კი აღნიშნა, რომ მათი ქვეყანა განსაკუთრებულია და იქ განსაკუთრებული ხალხი ცხოვრობს.

უკრაინისგან პუტინმა პასუხი უკვე მიიღო. კერძოდ, მის განცხადებებს უკრაინის პრეზიდენტის უფროსი მრჩეველი, მიხაილო პოდოლიაკი გამოეხმაურა.

  • დაწერა, რომ პუტინი რეალობას უნდა დაუბრუნდეს და ოკუპანტი ქვეყნის პრეზიდენტს ფაქტები შეახსენა.
  • კერძოდ, აღნიშნა, რომ რუსეთი უკრაინას თავს დაესხა და მშვიდობიან მოქალაქეებს კლავს. ასევე, მიუთითა იმაზეც, რომ რუსეთს მოლაპარაკებები არ სურს და ამ გზით, პასუხისმგებლობის არიდებას ცდილობს.
  • "ამიტომ, ტრიბუნალისკენ მივდივართ", — დასძინა მან.