ინფორმაციას ამის შესახებ საერთაშორისო მედიები ავრცელებენ.

რატომ არის მნიშვნელოვანი: თალიბების ძალაუფლების გამტკიცების შემდეგ ავღანეთში მკვეთრად გაიზარდა ქალების ფუნდამენტური უფლებებისა და თავისუფლებების დარღვევა.

დეტალები: ისლამისტმა მმართველებმა ამ ნაბიჯის გამართლება იმით სცადეს, რომ არასამთავრობო ორგანიზაციის ქალმა თანამშრომლებმა ჰიჯაბის არტარებით ჩაცმის წესები დაარღვიეს.

  • გაერომ თალიბანის ეს ბრძანება უკვე დაგმო და განაცხადა, რომ ის ადამიანის ფუნდამენტურ უფლებებს არღვევს.
  • გადაწყვეტილება გააკრიტიკა აშშ-ის სახელმწიფო მდივანმაც და აღნიშნა, რომ ეს "ავღანელი ხალხისთვის დამანგრეველი" იქნება.
  • ამ განკარგულებას ქალებისთვის უმაღლეს სასწავლებელში სწავლის აკრძალვა უძღოდა წინ.