დუდა: რუსეთმა რაკეტები გაუშვა უკრაინისკენ, უკრაინა თავს იცავდა და მოხდა ის, რაც მოხდა

17 Nov. 2022, 21:04

მე ველაპარაკე პრეზიდენტ ზელენსკის. ეს უკრაინისთვის უაღრესად მძიმე ვითარებაა და დიდი ემოციებია, ასევე დიდი სტრესია. შეგახსენებთ, რომ ამ ბოლო დღეებში უკრაინა რუსეთის მხრიდან უკიდურესად მასიური სარაკეტო თავდასხმის ქვეშ იყო. რუსეთმა დაუნდობლად და სასტიკად გაისროლა რამდენიმე ასეული რაკეტა უკრაინის წინააღმდეგ.

ეს რაკეტები ჩამოვარდა უკრაინის ქალაქებში, ფაქტობრივად, მთელ უკრაინაში, მათ შორის დასავლეთ უკრაინაში, ასევე ჩვენს საზღვართან. დაიღუპა ხალხი, რიგითი მოქალაქეები, არა უკრაინელი ჯარისკაცები, არამედ ჩვეულებრივი, მშვიდობიანი მოქალაქეები. ასე რომ, ეს უკიდურესად რთული ვითარებაა.

არავისთვის არის უცნაური, რომ არის ემოციები, რომ არის პრეზიდენტის ემოციები. პრეზიდენტი ასევე ძალიან მძაფრად აღიქვამს იმას, რაც ხდება მისი ქვეყნის საზოგადოებაში, რომელმაც აირჩია ის ამ თანამდებობაზე, რისთვისაც ის პასუხისმგებლობას გრძნობს. [...]

ჩვენი აზრით და ექსპერტების აზრით, სამწუხაროდ, აბსოლუტურად გაუთვალისწინებელი შემთხვევა მოხდა. ეს რაკეტა არ იყო მიმართული პოლონეთზე, ეს არ იყო ის შემთხვევა, რომელიც შეიძლება განიხილებოდეს როგორც თავდასხმა პოლონეთზე.

ჩვენს საზღვრებს იქით არის ომი. რუსეთმა რამდენიმე ასეული რაკეტა გაუშვა უკრაინისკენ, უკრაინა თავს იცავდა და ამ ქმედებების დროს, სამწუხაროდ, მოხდა ის, რაც მოხდა. არავის სურდა ვინმესთვის პოლონეთში ზიანი მიეყენებინა, მითუმეტეს არავის სურდა ვინმეს მოკვლა.

ეს უბრალოდ ტრაგედიაა, გარკვეულწილად ჩვენი საერთო ტრაგედია, ყველაზე დიდი ტრაგედია მათთვის, ვინც დაკარგა საყვარელი ადამიანები — მამები, ქმრები.

ბოლო ამბები:

ანდჟეი დუდა დუდა: რუსეთმა რაკეტები გაუშვა უკრაინისკენ, უკრაინა თავს იცავდა და მოხდა ის, რაც მოხდა

კომენტარები

კვირის ტოპ-5

გირჩევთ

ახლა კითხულობენ