იტალიის ულტრა-მემარჯვენე პრემიერმინისტრის ახალი მთავრობის ინიციატივით, "არალიცენზირებული რეივ" წვეულებების მოწყობა კრიმინალიზებული იქნება.

რატომ არის მნიშვნელოვანი: იტალიის შინაგან საქმეთა მინისტრმა განაცხადა, რომ ახალი სამართალდარღვევა შეეხება მინიმუმ 50 ადამიანის უნებართვო შეკრებას, რაც "საფრთხეს უქმნის საზოგადოებრივ ჯანმრთელობას, უსაფრთხოებას და წესრიგს".

  • სამართალდარღვევა ორგანიზატორების 6 წლამდე თავისუფლების აღკვეთას გამოიწვევს.
  • კანონმდებლები შესაძლებლობას იტოვებენ, მოუსმინონ მსგავსი წვეულებების ორგანიზატორებს.
  • რეივებში გამოყენებული აღჭურვილობა მონაწილეებს ჩამოერთმევათ.

დეტალები: მთავრობის ინიციატივა მოყვა იტალიის ჩრდილოეთ ქალაქ მოდენაში მიტოვებულ საწყობში გამართული ჰელოუინის წვეულებას, რომელიც პოლიციამ შეაჩერა.

  • ორშაბათს 1 000-მდე რეივერს იმ ქარხნის ტერიტორიის დატოვება უბრძანეს, სადაც ღონისძიება მიმდინარეობდა.
  • წვეულებას ესწრებოდნენ იტალიიდან და მეზობელი ქვეყნებიდან ჩამოსული სტუმრები.
  • ადგილობრივი მაცხოვრებლები ჩიოდნენ ჰელოუინის დღესასწაულზე 48-საათიანი უწყვეტი ტექნო მუსიკის გამო.
  • რეივერებმა ტერიტორია დაასუფთავეს და დატოვეს.
  • მელონის კოალიციური პარტნიორი და იტალიის ინფრასტრუქტურის მინისტრი, მატეო სალვინი მიესალმა წვეულების დარბევას და განაცხადა, რომ, "წვეულება დასრულდა" და დაიწყო ბრძოლა ნარკოტიკების, დაუცველობის და უკანონობის წინააღმდეგ.

კრიტიკოსების შეფასებით, გაუგებარია, რატომ დასაჯა მელონის მთავრობამ ახალგაზრდა რეივერები, როცა დაუშვა მუსოლინის მხარდამჭერი მარშის ჩატარება.

  • ფაშისტი დიქტატორის 2 000-მდე მიმდევარი მუსოლინის მშობლიურ ქალაქში შეიკრიბა და შაბათ-კვირას მსვლელობა მოაწყო.