რუსეთის უკრაინაში შეჭრიდან დღემდე მსოფლიოს ერთ-ერთ ყველაზე მნიშვნელოვან ფიგურად ვოლოდიმირ ზელენსკი რჩება. ამის ფონზე TidalWave Comics-მა უკრაინაის პრეზიდენტის შესახებ 22-გვერდიანი კომიქსი გამოუშვა, რომელიც მსოფლიოს ზელენსკის ცხოვრების შესახებ უყვება.

კომიქსი იმის შესახებ მოგვითხრობს, თუ როგორ იქცა მსახიობი და კომიკოსი ზელენსკი, რომელიც სერიალში უკრაინის პრეზიდენტს განასახიერებდა, ქვეყნის რეალურ პრეზიდენტად. აღსანიშნავია, რომ მას იქამდე პოლიტიკაში გამოცდილება არ ჰქონია.

ფოტო: TidalWave Comics

ფოტო: TidalWave Comics

"ეს წიგნი ჩემთვის ძალიან მნიშვნელოვანია, რადგან უკრაინული ფესვები მაქვს. ორივე მშობლის მხრიდან ჩემი ბებია-ბაბუა უკრაინიდან ჩამოვიდნენ. მინდოდა, ეს პლატფორმა მხოლოდ ამბის მოსაყოლად კი არა, მიზნის მიღწევაში ჩემი წვლილის შესატანადაც გამომეყენებინა", — ამბობს გამომცემლობის წარმომადგენელი დერენ დევისი.

TidalWave Comics ცნობილი ადამიანების ბიოგრაფიების მიხედვით კომიქსებს ხშირად უშვებს. გამომცემლობის მიხედვით, ზელენსკის კომიქსის გაყიდვებიდან მიღებული თანხის ნაწილი წითელ ჯვარს გადაეცემა.