Better Call Saul-ისა და Breaking Bad-ის გულშემატკივრებისთვის მშვენიერი სიახლე გვაქვს: ჩვენს საყვარელ პერსონაჟებს, უოლტერ უაითსა (ბრაიან კრენსტონი) და ჯესი პინკმენს (აარონ პოლი) Better Call Saul-ის ბოლო სეზონში ვიხილავთ. ამის შესახებ ინფორმაცია Better Call Saul-ის ოფიციალურმა ტვიტერმაც დაადასტურა:

"ისინი ბრუნდებიან", — ვკითხულობთ ტვიტერზე.

"მაყურებლის დასპოილერება არ მინდა, მაგრამ იმას კი გეტყვით, რომ სერიალის შექმნისას პირველი კითხვა, რომელიც გაგვიჩნდა, ის იყო, ვნახავდით თუ არა უოლტსა და ჯესის შოუში. პასუხისთვის თავის არიდების ნაცვლად გეტყვით, რომ დიახ, ვნახავთ. იმას, თუ როგორ მოხდება ეს და სხვა დეტალებს ვერ გეტყვით, თავად უნდა ნახოთ და გაიგოთ", — განაცხადა Better Call Saul-ის თანაშემქმნელმა პიტერ გოულდმა.

"ნამდვილად ცუდი იქნებოდა, რომ შოუ კრენსტონისა და პოლის გამოჩენის გარეშე დასრულებულიყო, არა?" — განაცხადა Breaking Bad-ის შემქმნელმა ვინს გილიგანმა.

აღსანიშნავია, რომ Breaking Bad-ისა და Better Call Saul სოლის როლის შემსრულებელმა ბობ ოდენკირკმაც ისაუბრა. მისი თქმით, ორ სერიალს ბოლო სეზონში ერთმანეთთან კიდევ უფრო მეტი საერთო ექნებათ და Better Call Saul-ის ნახვის შემდეგ Breaking Bad-ის გადამეორებაც მოგვინდება.

Better Call Saul-ის ბოლო, მეექვსე სეზონის პრემიერა 18 აპრილსაა დაგეგმილი. სერიალის მთავარი პერსონაჟი ადვოკატი სოლ გუდმენია, რომელიც პირველად სწორედ Breaking Bad-ში გავიცანით.

Breaking Bad-ის პრემიერა 2008 წელს შედგა და 5 სეზონით 2013 წელს დასრულდა. მასში მთავარ როლებს ბრაიან კრენსტონი და აარონ პოლი ასრულებენ. პრემიერიდან დღემდე Breaking Bad ყველა დროის ერთ-ერთ საუკეთესო სერიალადაა აღიარებული.