სადაზღვევო კომპანია ირაო, როგორც ვენის სადაზღვევო ჯგუფის წევრი და საქართველოში დაზღვევის ევროპული სტანდარტების გამავრცელებელი, სრულ მხარდაჭერასა და სოლიდარობას უცხადებს უკრაინას!

ვენის სადაზღვევო ჯგუფმა უკრაინის დასახმარებლად შექმნა საინიციატივო ჯგუფი, რათა კოორდინირება გაეწია სხვადასხვა სახის მხარდაჭერისათვის და დროულად დახმარებოდა ჯგუფში შემავალ უკრაინულ კომპანიებში მომუშავე თანამშრომლებსა და მათი ოჯახის წევრებს. ვენის სადაზღვევო ჯგუფმა შექმნა საოჯახო ფონდი VIG Family Fund 5 მილიონი ევროს თავდაპირველი შენატანით და ჯგუფის წევრ 50-მდე კომპანიასა და მათ თანამშრომლებს შესთავაზა მხარდასაჭერ აქტივობაში ჩართვა.

ფონდის მიზანია გვერდით დაუდგეს უკრაინელ თანამშრომლებს და მათი ოჯახების წევრებს, რომელთაც პირდაპირ შეეხოთ დღეს მიმდინარე საზარელი ომი. ვენის სადაზღვევო ჯგუფის ჰოლდინგის კომიტეტი უკრაინულ ადგილობრივ კომიტეტთან ერთად გადაანაწილებს თანხას მიზნობრივად, ჰერარდ რიენერის კოორდინირებით, რომელიც ვენის სადაზღვევო ჯგუფის მმართველი საბჭოს უკრაინაზე პასუხისმგებელი წევრია.

ირაო საკუთარ წვლილს შეიტანს უკრაინისა და უკრაინელი გმირი ხალხის დასახმარებლად და მხარდაჭერის ფარგლებში მარტის განმავლობაში ჩატარებული აქციებიდან შემოსული თანხის 5%-ს უკრაინის დახმარების ფონდში გადარიცხავს.

თუ 3 მარტიდან 18 მარტის ჩათვლით ირაოში დააზღვევ ავტომობილს, შენც გახდები ამ მხარდაჭერის მონაწილე და თან საჩუქრად 30 ლიტრ საწვავსაც მიიღებ!

აქციის შესახებ დეტალებისთვის დაუკავშირდით ირაოს ცხელ ხაზს: 0322 949 949