საგარეო უწყების ხელმძღვანელმა მაკა ბოჭორიშვილმა გაცნობითი შეხვედრა გამართა საქართველოში აშშ-ის ახლადდანიშნულ საქმეთა დროებით რწმუნებულ ქორთნი ოსტრიანთან. ინფორმაციას საგარეო საქმეთა სამინისტრო ავრცელებს.

შეხვედრაზე მხარეებმა განიხილეს საქართველოსა და ამერიკის შეერთებულ შტატებს შორის ურთიერთობები. ასევე, საუბარი შეეხო სხვადასხვა სფეროში თანამშრომლობის შემდგომი განვითარების პერსპექტივებს. მხარეებმა გამოხატეს ურთიერთობების გაღრმავების მზაობა, — წერია გავრცელებულ ინფორმაციაში.

საქართველოში ამერიკის შეერთებული შტატების საელჩომ დღეს გაავრცელა ინფორმაცია იმის შესახებ, რომ საქართველოში ამერიკის შეერთებული შტატების საელჩოს საქმეთა დროებითი რწმუნებული კორტნი ოსტრიანი უხელმძღვანელებს. მან ამ პოზიციაზე ემი დიაზი შეცვალა, რომელიც საქართველოში აშშ-ს საელჩოში ივლისის ბოლოს მოავლინეს.