ევექსი კლინიკები უკრაინის მოქალაქეებს უფასო სამედიცინო მომსახურებას გაუწევს.

საჭიროების შემთხვევაში, მზად არიან, ექიმის კონსულტაცია და გადაუდებელი ამბულატორიული სერვისებით მომსახურება სრულიად უსასყიდლოდ საქართველოს მასშტაბით ევექსი კლინიკების 33 კლინიკაში გასცენ.

ასევე, უკრაინულ ენაზე იმუშავებს ქოლცენტრი და ვებ-გვერდი. საქართველოში დარჩენილ უკრაინის მოქალაქეებს 2 მარტიდან შეუძლიათ დაუკავშირდნენ ქოლცენტრს ნომერზე: 032 2 550505, სადაც ოპერატორი უკრაინულ ენაზე გაესაუბრება, ასევე, გადაეწეყობა უკრაინულ ენაზე ვებ-გვერდი, სადაც იქნება განთავსებული დეტალური ინსტრუქცია აღნიშნულ მხარდაჭერის გამოყენებაზე.

"უკრაინელებო, ჩვენ შევძლებთ საჭიროების შემთხვევაში დისტანციურად გაგიწიოთ ექიმის კონსულტაცია და გადაუდებელი ამბულატორიული სერვისებით მომსახურება, სრულიად უსასყიდლოდ, საქართველოს მასშტაბით ევექსი კლინიკების 33 კლინიკაში. ჩვენი ექიმები თქვენს გვერდით არიან. ჩვენთვის მნიშვნელოვანია ჩვენს მეგობრებს ვესაუბროთ მათ ენაზე, ამისთვის ჩვენი ქოლცენტრი და ვებ-გვერდი უკრაინულად იმუშავებს", — ნათქვამია ევექსი კლინიკების ოფიციალურ განცხადებაში.