გაერთიანებული სამეფომ იმ ფიზიკური და იურიდიული პირების წინააღმდეგ სანქიცები დააწესა, რომლებიც რუსული ნავთობის წარმოებასა თუ ტრანსპორტირებაში იყვნენ ჩართულები.

გაერთიანებული სამეფოს საგარეო უწყების ცნობით, 38 დასანქცირებული სუბიექტი მოიცავს რუსულ ნავთობკომპანიებს, ჩრდილოვანი ფლოტის ტანკერებსა და პირებს, რომლებიც რუსეთს სამხედრო სექტორისთვის კრიტიკულად საჭირო საქონლით ამარაგებენ.

სანქციების სიაში შედის, ნავთობის 12 ტანკერი, რომლებიც, გაერთიანებული სამეფოს განცხადებით, რუსეთის "ჩრდილოვანი ფლოტის" შემადგენლობაში ოპერირებენ და მოსკოვს ნავთობის ექსპორტზე დაწესებული სანქციების გვერდის ავლაში ეხმარებიან.

უწყების ცნობით, სანქციები დაუწესდა სამ კრიპტო ბირჟასა და ორ საგადახდო პლატფორმას, მათ შორის სამი, რომლებიც დაკავშირებულია ყირგიზეთთან, და ერთ დაკავშირებულ ფიზიკურ პირზე.

"ჩვენ ეჭვი გვაქვს, რომ ამ სუბიექტებს რუსეთი ფინანსური სანქციების გვერდის დასავლელად იყენებს; მათგან ორმა განახორციელა და ხელი შეუწყო ტრანზაქციებს A7 ქსელთან," — წერს უწყება.

სანქციების პაკეტი ასევე მოიცავს 17 სუბიექტსა და ფიზიკურ პირს, რომლებიც ჩართულნი არიან იმ საქონლის მიწოდებაში, რაც დიდმა ბრიტანეთმა, აშშ-მა და ევროკავშირმა მიიჩნიეს სასიცოცხლოდ მნიშვნელოვნად რუსეთის მიერ ომის გაგრძელებისთვის — ასევე ცნობილი როგორც საერთო მაღალი პრიორიტეტის (CHP) საქონელი.

"მკაცრ ზომებს ვიღებთ მათ წინააღმდეგ, ვინც რუსეთს სანქციების გვერდის ავლაში ეხმარება, მათ შორის ფინანსური მომსახურებისა და კრიპტოვალუტის ბირჟების მეშვეობით. გზავნილი მარტივია: თუ რუსეთს ამ ომის დაფინანსებასა თუ აღჭურვაში დაეხმარებით, შედეგების წინაშე აღმოჩნდებით," — აღნიშნულია განცხადებაში.