უკრაინის პრეზიდენტმა, ვოლოდიმირ ზელენსკიმ მარიპულოში სამხედროების წინაშე გამოსვლისას განაცხადა, რომ მათ არ ეშინიათ არანაირი პროგნოზისა და მტრის, რადგან საკუთარ თავს ნებისმიერ დროს დაიცავენ.

"ჩვენ არ გვეშინია არანაირი პროგნოზის, ხალხის, მტრის, არ გვეშინია თარიღების, რადგან საკუთარ თავს დავიცავთ 16 თებერვალსაც, 17 თებერვალსაც, მარტშიც, აპრილშიც, სექტემბერშიც და დეკემბერშიც", — განაცხადა უკრაინის პრეზიდენტმა.

ზელენსკიმ მადლობა გადაუხადა ყველას ვინც ერთგულია ქვეყნის მიმართ და იცავს უკრაინას. მანვე აღნიშნა, აქვთ ძალა დაიცვან მიწა, არ აყვნენ პროვოკაციას და ახლად გაიკვალონ გზა მშვიდობიანი, ერთიანი უკრაინისკენ.

მნიშვნელოვანი 2022 წელია და არა 2014, ეს მნიშვნელოვანი განსხვავებაა. ომი 8 წელია გრძელდება და ჩვენ ამდენჯერ გავძლიერდით. ჩვენ გვყავს უკრაინის ძლიერი შეიარაღებული ძალები, შესანიშნავი დიპლომატიური, მოხალისეობრივი, ეროვნული წინააღმდეგობის ძალები მთელ უკრაინაში. გვაქვს იმის ძალა, რომ დავიცვათ ჩვენი მიწა, არ დავემორჩილოთ რაიმე პროვოკაციას და

რუსეთის მტკიცების პარალელურად, რომ უკრაინის საზღვრის სიახლოვიდან რუსული ჯარები გაჰყავთ, საერთაშორისო მედია, მათ შორის CNN და AP News, აშშ-ის პრეზიდენტის ადმინისტრაციის ოფიციალურ წარმომადგენელზე დაყრდნობით წერს, რომ ბოლო დღეებში უკრაინის საზღვართან რუსული ჯარისკაცების რიცხვი 7 000-ით გაიზარდა.

რუსეთის თავდაცვის სამინისტრო ამბობს, რომ უკრაინის საზღვართან მყოფი ჯარები წვრთნების დასრულების შემდეგ მუდმივი განლაგების პუნქტებს უბრუნდებიან. სამინისტროს ოფიციალური წარმომადგენლის, გენერალ-მაიორ იგორ კონაშენკოვის თქმით, სამხრეთ და დასავლეთის სამხედრო ოლქების ზოგიერთმა ქვედანაყოფმა დაასრულა წვრთნები და ბაზაზე დაბრუნება უკვე დაიწყო.

ამას გამოეხმაურა უკრაინის პრეზიდენტი, ვოლოდიმირ ზელენსკი და განაცხადა, რომ ამას რეალურად ვერ ხედავენ და მხოლოდ ესმით მის შესახებ.

ამერიკის შეერთებული შტატების სახელმწიფო მდივნის, ენტონი ბლინკენის განცხადებით, რუსულ სამხედრო ძალებს უკრაინის საზღვარი არ დაუტოვებიათ. მისი თქმით, რუსეთის ქმედებები და განცხადებები ერთმანეთისგან განსხვავდება.

პენტაგონის ინფორმაციით, ბოლო დღეების განმავლობაში, რუსეთის პრეზიდენტმა, ვლადიმერ პუტინმა უკრაინის საზღვართან და ბელარუსის ტერიტორიაზე დამატებითი სამხედრო ძალები განათავსა.

ევროპული საბჭოს პრეზიდენტის, შარლ მიშელის განცხადებით, რუსეთმა ომსა და დიპლომატიას შორის არჩევანი უნდა გააკეთოს. მისი თქმით, უკრაინის წინააღმდეგ რუსეთის უპრეცედენტო სამხედრო ესკალაცია ევროპაში მშვიდობასა და უსაფრთხოებას უქმნის საფრთხეს.