BBC-მ Peaky Blinders-ის მე-6 სეზონის ტრეილერი გამოუშვა, რომლის მიხედვითაც ბრძოლა და სისხლისღვრა ისევ გველის. შოუსთვის ეს ფინალური სეზონია, ასე რომ, ბოლო ეპიზოდები განსაკუთრებით საინტერესო და დაძაბული იქნება.

მთავარ როლს ისევ კილიან მერფი ასრულებს, რომელიც შელბების კრიმინალური დინასტიის წევრია. როგორც ჩანს, ტომს უფრო დიდი ამბიციები აქვს, ვიდრე ბირმინგემის ქუჩების მეთაურობაა, რასაც ფინალური სეზონის მთავარ კონფლიქტამდე მივყავართ.

ბოლო სეზონში ანია ტეოლორ-ჯოი, ტომ ჰარდი, პოლ ანდერსონი და ფინ კოული ითამაშებენ. აღსანიშნავია, რომ ტრეილერში დეიდა პოლის პერსონაჟის შესახებ არაფერი თქმულა, რომელსაც ჰელენ მაკკრორი განასახიერებდა. შეგახსენებთ, რომ მაკკრორი გასული წლის აპრილში გარდაიცვალა.

მართალია, შოუ მე-6 სეზონით მთავრდება, თუმცა რეჟისორ სტივენ ნაითის თქმით, Peaky Blinders-ზე ფილმის გადაღება 2023 წელს იგეგმება."ვაპირებ ფილმზე ვიმუშაო, რომელშიც სიუჟეტი ბირმინგემში განვითარდება. ეს, ფაქტობრივად, Peaky Blinders-ის ისტორიის დასასრული იქნება", — განაცხადა სტივენ ნაითმა.

Peaky Blinders-ის მე-6 სეზონის პრემიერის თარიღი ამ ეტაპზე უცნობია, თუმცა 2022 წელს იგეგმება.

ასევე იხილეთ: