ერთიანი ნაციონალური მოძრაობის წევრის, ეკა ხერხეულიძის განცხადებით, ექსპრეზიდენტის, მიხეილ სააკაშვილის მკურნალობის პროცესში უცხოელი ექიმი ჩაერთვება.

"მდგომარეობა არის უცვლელი, ის თავს გრძნობს სუსტად, თავისთავად ასეთ ხანმოკლე პერიოდში ვერცერთ შემთხვევაში ვერ გაუმჯობესდებოდა მდგომარეობა. თან იმის გათვალისწინებით, რომ არაფერი განსაკუთრებული ჩარევა მისი მკურნალობის პროცესში არ მომხდარა.

ახლა უმოკლეს დღეებში ელოდებიან ექიმს, უცხოელ ექიმს, რომელიც გარკვეულწილად, ალბათ, დაეხმარება პროცესის დარეგულირებაში, ყოველი შემთხვევისთვის, ახლა საიმედო არაფერი არ არის", — თქვა ხერხეულიძემ გორის ჰოსპიტლის დატოვების შემდეგ.

ცენტრ ემპათიას განცხადებით, მიხეილ სააკაშვილს დამატებითი ინსტრუმენტული და ლაბორატორიული კვლევები ესაჭიროება. ორგანიზაციამ ექსპრეზიდენტ მიხეილ სააკაშვილის ჯანმრთელობის მდგომარეობის შემაჯამებელი დასკვნა გამოაქვეყნა, სადაც წერია, რომ გორის სამხედრო ჰოსპიტალში ჩატარებული მკურნალობა-რეაბილიტაცია ეფექტური არ არის.

ექსპრეზიდენტი მიხეილ სააკაშვილი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს.

გაიგე მეტი: