CENN, პროექტის "ციფრული კავკასია" ფარგლებში, საქართველოს ტურიზმის ეროვნულ ადმინისტრაციასთან (GNTA), Mytravel.ge-სთან, Georgian Travel Guide-თან და Area.ly-სთან პარტნიორობით აცხადებს კონკურსს საქართველოს ტურიზმის სექტორში მოღვაწე ქალი მეწარმეებისათვის.

კონკურსის მიზანია ტურიზმში ქალი მეწარმეების წახალისება მდგრადი გადაწყვეტილებების მიმართულებით. კონკურსში მონაწილეობის მიღება შეუძლიათ ქალებს, რომლებიც მართავენ ტურისტულ ბიზნესს საქართველოს ტერიტორიაზე.

მონაწილეებს აპლიკაციების შევსება შეუძლიათ შემდეგ ნომინაციებში:

1. საუკეთესო მწვანე ტურისტული ბიზნესი

ნომინაციაში "საუკეთესო მწვანე ტურისტული ბიზნესი" გამოვლინდება 3 გამარჯვებული, რომლებსაც CENN გადასცემს ფულად პრიზებს 400$, 300$ და 200$-ის ოდენობით. გარდა ამისა, კომპანია Area.ly გამოავლენს თავის რჩეულ განთავსების ობიექტს და გადასცემს მომსახურების 6-თვიან პაკეტს, რომელშიც შედის ადმინისტრაციული და ჯავშნების მართვის მოდული და ვებ გვერდის შექმნა (6-თვიანი უფასო მომსახურებით).

2. საუკეთესო ინსტაგენური ტურისტული განთავსების ობიექტი

ნომინაციაში "საუკეთესო ინსტაგენური ტურისტული განთავსების ობიექტი" გამარჯვებულ ობიექტს Mytravel გადასცემს საპრომოციო პაკეტს, რომელშიც შევა ობიექტის ფოტო-ვიდეო და დრონით გადაღება, მარკეტინგული კომუნიკაცია ციფრულ არხებში და გამარჯვებულ ობიექტში ორ დღიანი განთავსების გათამაშება, რომლის დაფინანსებასაც Mytravel უზრუნველყოფს.

3. საუკეთესო სათავგადასავლო ტურისტული შეთავაზება

ნომინაციაში "საუკეთესო სათავგადასავლო ტურისტული შეთავაზება" გამარჯვებულ ბიზნესს Georgian Travel Guide დაეხმარება ტურისტული პროდუქტის მარკეტინგულ შეფუთვასა და ციფრულ არხებში განთავსებაში.

კონკურსში მონაწილეობის მსურველებმა უნდა შეავსონ აპლიკაციის ფორმა 2021 წლის 20 აგვისტომდე. კანდიდატურის წარდგენა შეიძლება მხოლოდ ერთ ნომინაციაში.

განაცხადებს შეაფასებს კომისია, რომელიც დაკომპლექტებული იქნება ექსპერტებით როგორც ტურიზმის, ისე მარკეტინგისა და გარემოს დაცვის სფეროებიდან. გამარჯვებულები გამოვლინდებიან 2021 წლის სექტემბერში.

ინიციატივა ხორციელდება CENN-ის მიერ, USAID-ის ევროპისა და ევრაზიის ბიუროს, ეკონომიკური განვითარების, მმართველობისა და საწარმოთა ზრდის (EDGE) პროექტის მიერ გამოყოფილი გრანტის ფარგლებში.