Twilight-ის საგის პირველი ფილმის პრემიერა ჯერ კიდევ 2008 წელს შედგა და პოპულარულობა მალევე მოიპოვა. უამრავი ჩვენგანისთვის ედვარდისა და ბელას სიყვარულის ისტორია თინეიჯერობის წლების განუყოფელი ნაწილი იყო. თუ შენც ამ ადამიანების რიცხვს მიეკუთვნები, მაშინ გთავაზობთ 10 ნოსტალგიურ კადრს მიღმა ფაქტს, რომელიც ფილმების გამეორებას მოგანდომებთ:

1. ედვარდის როლზე ბინდის სერიის წიგნების ავტორი სტეფანი მეიერი ჰენრი კავილს მოიაზრებდა, თუმცა როდესაც ფილმის გადაღება დაიწყეს, ჰენრი 17 წლის ედვარდის როლისთვის უკვე საკმაოდ უფროსი იყო.

2. ჯენიფერ ლოურენსი კასტინგზე ბელას როლისთვის მივიდა, თუმცა როლზე საბოლოოდ კრისტენ სტიუარტი დაამტკიცეს.

3. რობერტ პატინსონმა მართვის მოწმობა სპეციალურად ფილმის გამო აიღო.

ფოტო: Summit Entertainment

4. რობერტ პატინსონმა ბინდისთვის ორი სიმღერა — Never Think და Let Me Sign დაწერა.

ფოტო: Summit Entertainment

5. ჯეიკობის როლის შემსრულებელს, ტეილორ ლოტნერს, ფილმში მაღალძირიანი ფეხსაცმელები ეცვა, რათა ბელასთან შედარებით მაღალი გამოჩენილიყო.

ფოტო: Summit Entertainment

6. ფილმში ბინდი: ახალი მთვარე ჯეიკობის მაქციების გუნდის წევრობის მსურველ მსახიობებს უნდა წარმოედგინათ დოკუმენტაცია, რომელიც ადასტურებდა, რომ ისინი სინამდვილეშიც მკვიდრი ამერიკელების შთამომავლები იყვნენ.

7. რობერტ პატინსონი თავდაპირველად ედვარდის როლს ზედმეტად სერიოზულად ასრულებდა, რის გამოც ფილმიდან მის გაშვებას განიხილავდნენ.

ფოტო: Summit Entertainment

8. რობერტ პატინსონმა ედვარდის როლის მიღებამდე ერთი დღით ადრე მსახიობობისთვის თავის დანებება გადაწყვიტა.

ფოტო: Getty Images

9. სტეფანი მეიერი ფილმებში ორჯერ გამოჩნდა: პირველ ნაწილში ბელასა და ჩარლის სადილობის დროს, შემდეგ კი ბელასა და ედვარდის ქორწილში.

10. ფილმების საოცარ საუნდტრეკებს შორის My Chemical Romance-ის სიმღერაც უნდა ყოფილიყო, თუმცა ჯგუფმა შემოთავაზებაზე უარი განაცხადა, რადგან ჩათვალეს, რომ მათი სიმღერა ფილმს არ მოუხდებოდა.

ფოტო: Getty Images