თუ ამ 10 რამეს Google-ში ჩაწერ, მაიმუნობებს აღმოაჩენ

როგორც წესი, Google-ის საძიებო სისტემა ხშირად ახერხებს ჩვენს გაოცებას: მაგალითად, დაძებნი საყვარელი მსახიობის სიმაღლეს და უპს, მოულოდნელ ცნობებს გაიგებ; ან ჯანმრთელობის პრობლემების უმნიშვნელო სიმპტომებით საბედისწერო განაჩენს გამოიტან. მოკლედ, გემოვნებისამებრ.

გუგლი მნიშვნელოვან თარიღებზე თემატური დუდლებითაც გვახალისებს, ამასთან ერთად კი პატარ-პატარა საიდუმლოებებსაც მალავს, რომლებითაც თითის ერთი დაჭერით ნებისმიერ დროს შეგიძლიათ შეიქციოთ თავი.

ახლა სწორედ ასეთ რამდენიმე ხრიკს გასწავლით: ქვემოთ მოცემული სიტყვები მოძებნეთ და შედეგი თავად შეაფასეთ.

რჩევა: სტატიაში მოცემულ სიტყვებზე დაჭერითაც შეგიძლიათ, შედეგი იხილოთ, თუმცა თუ თავად დაძებნით იმავე სიტყვებს, უფრო სახალისო იქნება.

1. Google Underwater — საძიებო სისტემაში ჩაწერეთ ეს სიტყვები (როგორც იტყვიან ხოლმე, "დაგუგლეთ") და პირველივე ბმულს დააჭირეთ. შედეგი განსაკუთრებით მას გაახარებს, ვინც ზღვაზე წასვლას ვერ ახერხებს...

2. Google Gravity — იგივე პრინციპი აქაც (და სხვა ყველა ჩამოთვლილ შემთხვევაშიც: ეძებთ გუგლში ამ სიტყვებს და აჭერთ პირველ ბმულს). წესით, კარგად იხალისებთ

3. Do a Barrel roll 20 times — აქ შეგიძლიათ თქვენთვის სასურველი ნებისმიერი რიცხვი ჩაწეროთ და შედეგს დაელოდოთ

4. Thanos Snap Trick — როცა ამ სიტყვებს დაძებნით და პირველ ბმულზე გადახვალთ, თანოსის ხელთათმანს დააჭირეთ და დაელოდეთ

5. Let It Snow - Google Easter Egg — ზამთარი თუ გენატრებათ ან ცოტა სიგრილეზე მაინც არ იტყოდით უარს

6. Google Spring — კიდევ ერთი მაიმუნობა

7. Flip a Coin — თუ გადაწყვეტილება გაქვს მისაღები და არჩევანს ვერ აკეთებ, ყოველთვის შეგიძლია ბედი ხურდას მიანდო — ავერსი ან რევერსი. ხურდა არ გაქვს? გამოსავალი მაინც მოიძებნება!

8. Google Sky — საუკეთესო მიგნება მათთვის, ვისაც კოსმოსის საოცრებები იტაცებს

9. Google in 1998 — თუ გინდა, რომ გუგლის 1998 წლის ვერსიით ისარგებლო

10. და ბოლოს: T-Rex Game — ეს ყველასათვის საყვარელი თამაში იმისთვის შეიქმნა, რომ ინტერნეტის გათიშვისას თავი შევიქციოთ, თუმცა ვინ თქვა, სხვა დროს არ შეიძლება დინოზავრთან ერთად იძუნძულო? დაძებნეთ ეგ სიტყვები გუგლში და გაივარჯიშეთ ხელი, ვინ იცის, როდის გაითიშება ინტერნეტი, მომზადებული დახვდით!

გირჩევთ