დღეს, ხუთშაბათს გადაწყდება სინოდის სხდომის ზუსტი თარიღი. ამის შესახებ, პროტოპრესვიტერი გიორგი ზვიადაძე რეზონანსთან საუბრისას აცხადებს, და მისივე თქმით, შეიძლება სინოდმა "შეაგონოს" მიტროპოლიტ პეტრეს, რომ ასე არ შეიძლება:

"გააჩნია, მეუფე პეტრე როგორ პოზიციას დაიჭერს. თუ მოინანიებს, ყველაფერი მშვიდობიანად დასრულდება, თუ არა - მაშინ სინოდი გადაწყვეტს. თუ ცილისწამებაა, ეს კიდევ უფრო უმძიმესი დანაშაულია, მაგრამ ამ ყველაფერზე სინოდმა უნდა იმსჯელოს".

ჭყონდიდის მიტროპოლიტი პეტრე, აცხადებს, რომ საპატრიარქოში სიტუაციას მართავს "ყველაზე დიდი დამნაშავე" შორენა თეთრუაშვილის სახით. მისივე განცხადებით, თეთრუაშვილს გარე, დამპყრობელი ძალა - რუსეთი მფარველობს.

ჭყონდიდის მიტროპოლიტი პეტრე პროკურატურამ რამდენიმე დღის წინ დაკითხა. მან ჟურნალისტებთან განაცხადა, რომ შეკითხვები შეეხებოდა მიერ მიერ საჯაროდ გაკეთებულ განცხადებებს, მათ შორის შორენა თეთრუაშვილსა და ჩრდილოვან მმართველობას საპატრიარქოში.