ერთხელ მაინც თუ გაგივლიათ ნაძალადევის რაიონში მდებარე კავთისხევის ქუჩაზე, აუცილებლად შეიგრძნობდით იმ იშვიათ სიმყუდროვეს, რომლის პოვნაც თბილისში არც ისე მარტივია. როგორც ჩანს, სწორედ ამ სიმშვიდემ მოიცვა გიგანტური წითელი კატაც, რომელმაც ერთ-ერთ შენობაზე წაუძინა.

ეს შთამბეჭდავი ნამუშევარი დათო მჭედლიშვილს, იგივე Dante Mdante-ს ეკუთვნის, რომლის ქუჩის მხატვრობაც თბილისის შენობებზე ჩვენს ყურადღებას ხშირად იპყრობს. ნახატი კავთისხევის #16-ში მდებარე ახალაშენებულ სახლის კედელზეა განთავსებული.

ხელოვანის თქმით, მან ქუჩა სწორედ სიმშვიდის გამო შეარჩია და ასევე, მოპირისპირე ხმაურიანი ქუჩებისთვის კონტრასტულობის შექმნაც სურდა:

"უბრალოდ მშვიდად მძინარე კატა დავხატე, ამით მინდოდა გადმომეცა ის წყნარი გარემო და სიმშვიდე რომელიც კავთისხევის ქუჩაზე სუფევს. კედელი დადიანის ქუჩიდანაც ჩანს, სადაც სულ ხმაური და მანქანების ქაოტური მოძრაობაა და ვფიქრობ, ეს კონტრასტი უფრო საინტერესოს ხდის ნახატს".

ფოტო: Dante Mdante

ფოტო: Dante Mdante

თბილისის შესახებ სხვა მსგავსი საინტერესო ინფორმაციის პოვნა ფეისბუქის ჯგუფში, რა ხდება თბილისში შეგიძლიათ.

ფოტო: Dante Mdante

ფოტო: Dante Mdante

დანტეს ნახატის შექმნაში მეგობარი, აჩო ხუციშვილიც ეხმარებოდა. ის პროექტის განხორციელებაში მადლობას შპს ისარს და ლევან ხმიადაშვილსაც უხდის.