მიტროპოლიტი პეტრე ამბობს, რომ საქართველოს კათალიკოს პატრიარქმა, ილია მეორემ უარი თქვა სინოდის სხდომაზე მამა გიორგის საპატრიარქოში არსებული პრობლემების შესახებ მოესმინა. ამის შესახებ მიტროპოლიტმა რუსთავი 2-ის ეთერში განაცხადა.

მისი თქმით, ეკლესიაში რეფორმების განხორციელების სურვილი ყოველთვის არსებობდა. თუმცა, შორენა თეთრუაშვილი ყოველთვის ახერხებდა მცდელობა გადაეფარა.

"მას შემდეგ, რაც მამა გიორგი დაინიშნა საპატრიარქოს ქონების მართვის სამსახურში ის იყო ძალიან დაბრკოლებული მძიმე, საგანგაშო მდგომარეობით - ეკლესიაში არსებული თაღლითური სქემებისა თუ კორუფციული გარიგებისა, თუ ვერაგული დამოკიდებულების მიმართ და ის, რომ მამა გიორგი აპირებდა სინოდის სხდომაზე წარდგენას მოხსენებით, რომ გაეჟღერებინა ეს ფაქტი ჩემთვის ცნობილი იყო," - განაცხადა მიტროპოლიტმა.