ბიზნესასოციაციის წარმომადგენლები საჯაროდ მიმართავენ პრემიერმინისტრს და შეზღუდვების კიდევ უფრო შემსუბუქებას სთხოვენ. ე.წ. კომენდანტის საათის გადაწევა 23:00 საათამდე, შაბათ-კვირას მუშაობის უფლება, რესტორნების სრულად — როგორც ღია, ისე დახურულ სივრცეებში მუშაობა და ა.შ. ბიზნეს-სექტორი პრემიერმინისტრთან შეხვედრას და ამ საკითხების პირადად განხილვას ითხოვს.

"მნიშვნელოვანია და ვითხოვთ, 10 ასოციაციის სახელით, პრემიერმინისტრთან შეხვედრას, ამ საკითხებზე მსჯელობას და გადაწყვეტილების დროულად მიღებას.

დროში და სივრცეში გაწელილი ეს გადაწყვეტილებები საბოლოოდ ჩამოაქცევს ბიზნესს, ჩამოაქცევს იმ სფეროებს, რომლებსაც ჩვენ აქ წარმოვადგენთ", — განაცხადა შოთა ბურჯანაძემ, რესტორატორთა ასოციაციის დამფუძნებელმა.

მათი ერთ-ერთი მოთხოვნა ეხება ბიზნესომბუდსმენის არჩევას მათთან კონსულტაციების შემდეგ, მათი აზრის გათვალისწინებით. ბიზნესასოციაციის წევრებს თქმით, ბიზნესომბუდსმენი მათ ინტერესებზე რომ იყოს ორიენტირებული, ახლა ასეთი პრობლემები არ ექნებოდათ.

გაიგეთ მეტი: