თბილისის მერის, კახა კალაძის ინფორმაციით, 22 თებერვლიდან ქალაქში დამატებით 180 ახალი მიკროავტობუსი იმოძრავებს. ამის შესახებ მან დედაქალაქის მერიის მთავრობის სხდომის დაწყებამდე განაცხადა.

"მიმდინარეობს ჩანაცვლება ყვითელი, ე.წ. მარშუტკების, რომლებიც უმძიმეს მდგომარეობაში არის და პრობლემას წარმოადგენს მგზავრებისთვის გადაადგილების თვალსაზრისით, არაკომფორტული, ყველანაირი რესურსი ამოწურული აქვს ამ მიკროავტობუსებს. შესაბამისად, ჩანაცვლების პროგრამა დაწყებულია [...]

ორშაბათიდან კიდევ, დამატებით 180 ერთეული მიკროავტობუსი გავა ხაზებზე და თბილისის მოსახლეობას მოემსახურება", — ამბობს კალაძე.

27 იანვარს კახა კალაძემ, ასევე, განაცხადა, რომ თბილისის მერია დამატებით 180 ერთეული 8-მეტრიან ავტობუსს შეიძენს.