"დრო ფულია" — თქვა ჯერ კიდევ ბენჯამენ ფრანკლინმა და ალბათ ამაზე ყველა ვთანხმდებით. დრო ის ერთ-ერთი რესურსია, რომელიც დღევანდელი სწრაფი ცხოვრების რიტმის გამო, თითქოს, სულ უფრო ცოტა გვაქვს და ხშირადაც ვნატრობთ. რა იქნებოდა, მეტი დრო გვქონოდა დედლაინამდე, მეტი მოგვესწრო და დროის უფრო ნაყოფიერად გამოყენება შეგვძლებოდა?

სინამდვილეში, დღეს თანამედროვე ტექნოლოგიების გამოყენებით და ავტომატიზაციით ჩვენი სამუშაო დროის 40%-ით გამოთავისუფლება არის შესაძლებელი. ამ სტატიაშიც სწორედ თანამედროვე ტექნოლოგიაზე, ავტომატიზაციით რუტინული საქმის შემცირებასა და დროის დაზოგვაზე გვინდა მოგიყვეთ.

როგორ დავზოგოთ დრო?

დრო რომ არ დავკარგოთ, მოდით, პირდაპირ საქმეზე გადავიდეთ — თანამედროვე ტექნოლოგიას, რომელსაც ჩვენი სამუშაო დროის 40 %-ით დაზოგვა შეუძლია RPA ტექნოლოგია (Robotic Process Automation) — პროცესების რობოტიზაცია ჰქვია.

RPA არის ტექნოლოგია, რომლის საშუალებითაც შეგიძლიათ სამსახურში გყავდეთ პროგრამული რობოტები, რომლებსაც მიანდობთ რუტინულ საქმეს, ხოლო თქვენ დროს ანალიზსა და ინტელექტუალურ საქმისკენ მიმართავთ.

#1 პროცესები დაფუძნებული არის გარკვეულ წესებზე.

თუ პროცესი დაფუძნებულია გარკვეულ წესებზე და ლოგიკებზე, მაშინ შეგვიძლია ვთქვათ, რომ ასეთი საქმე რობოტებისთვის მარტივად ათვისებადი იქნება.

ფოტო: BDO Digital

#2 პროცესები, რომელიც მოცულობითი და განმეორებადია

თუ თქვენ გაქვთ გარკვეული რუტინული ამოცანები, რომლებიც ხშირად უნდა შესრულდეს ან უნდა შესრულდეს დადგენილი გრაფიკით, მაშინ ეს საქმე ავტომატიზაციისთვის ნამდვილად შესაფერისია.

#3 ამოცანები, რომლებიც მოსაწყენია, ან არ სჭირდება ადამიანის ჩართულობა

დავალებები, რომელთა შესასრულებლადაც არ არის საჭირო ემოციური
ინტელექტი, შემოქმედითობა ან პრობლემის გადაჭრის უნარი, შეგიძლიათ
თამამად მიანდოთ თქვენს რობოტებს.

#4 პროცესები, სადაც ადამიანური შეცდომების დაშვების რისკი მაღალია

განსაკუთრებით მაშინ, როცა თითოეული შეცდომა შესაძლებელია უარყოფითად მოქმედებდეს კომპანიის რეპუტაციაზე, საოპერაციო საქმიანობასა თუ მომხმარებლის ლოიალურობაზე. RPA ტექნოლოგიას შეცდომების დაშვების ალბათობა ფაქტიურად 0 %- ზე დაყავს, რაც ძალიან მნიშვნელოვანია, როცა თითოეული შეცდომა შესაძლებელია ჩვენს მომხმარებელზე უარყოფითად აისახოს, რიგ შემთხვევებში კი შეცდომა საკმაოდ სოლიდურ საჯარიმო სანქციებამდეც კი მივყავართ.

ჩვენ მიერ ჩამოთვლილი პროცესები ყველა ორგანიზაციაში საკმაოდ ბევრია. მოდით მცირე სტატისტიკას შევხედოთ:

Mckinsey-ის მიერ ჩატარებულმა კვლევამ დაადგინა, რომ საშუალოდ

  • სამუშაო კვირის 28%-ს თანამშრომლები ელფოსტის გაგზავნასა და წაკითხვაში ხარჯავენ;
  • სამუშაო კვირის 19% იხარჯება მონაცემებისა და ინფორმაციის სხვადასხვა წყაროდან შეგროვებაზე;
  • სამუშაო კვირის 14% იხარჯება თანამშრომლებს შორის კომუნიკაციასა და კოლაბორაციაზე;
  • ინდივიდუალურ, პოზიციისთვის სპეციფიურ საქმიანობაზე თანამშრომელთა დროის მხოლოდ 39% იხარჯება;
  • ხოლო, ამ ზემოთ ჩამოთვლილი საქმიანობებიდან, სამუშაო დროის მინიმუმ 20%-ი განმეორებადი და ხშირად მოსაწყენი საქმეა.

RPA ტექნოლოგიის გამოყენება თითქმის ყველა ინდუსტრიასა და მიმართულებაში შესაძლებელია. მათ შორის, განსაკუთრებით ათვისებული არის ისეთ ინდუსტრიებში როგორებიცაა საფინანსო, სადაზღვეო, ტელეკომუნიკაციები, ჯანდაცვა და სხვა. მნიშვნელობა არ აქვს სად ხდება მოქმედება, იქნება ეს საოფისე პროგრამები, საბუღალტრო სოფტი, ERP სისტემა თუ ვებ გვერდის გარემო.

ფოტო: BDO Digital

რობოტების მიერ ჩვენთვის განკუთვნილი საქმის საშუალოდ 40 %-ის ათვისება არის შესაძლებელი და მათ იგივე საქმის გაცილებით ნაკლებ დროში გაკეთება შეუძლიათ. რობოტებს შეუძლიათ იმუშავონ შეუსვენებლად, არასამუშაო დღეებში, შეუცდომლად და მათთვის რუტინული საქმე მოსაწყენი ნამდვილად არ იქნება.

თუ თვლით, რომ თქვენს კომპანიაშიც გაქვთ პროცესები, რომლებიც რობოტიზაციისთვის შესაფერისია, შეგიძლიათ გაიაროთ მარტივი

ტესტი და კონსულტაცია BDO Digital-ის RPA ტექნოლოგიის სპეციალისტებთან.