ქართული ოცნების თავმჯდომარემ, ირაკლი კობახიძემ იმედის ეთერში ენა, მამული, სარწმუნოება განიხილა და დაასკვნა, რომ "პარტიულმა ტელევიზიებმა" ბილწსიტყვაობის დამკვიდრება სერიალებიდან დაიწყეს, რითიც საზოგადოების "ყური შეაჩვიეს" ენის შეურაცხყოფას. სხვა შემთხვევების მსგავსად, ახლაც, კობახიძეს ფიქრობს, რომ ეს ოპოზიციური პარტიების მიზანმიმართული ქმედებაა.

"ბილწსიტყვაობა არ არის მხოლოდ ადამიანის სიავის გამოვლინება, ეს არის მიზანმიმართული პოლიტიკა, რომელსაც ჩვენ ვხედავთ. თუ დააკვირდებით, პოლიტიკური ბილწსიტყვაობით არ დაწყებულა ის პროცესი, რომელსაც ჩვენ ვხედავთ დღეს პარტიულ ტელევიზიებში. თვიდან დაიწყო სხვა რამით, მაგალითად, სერიალებით და ასე შემდეგ, იქ ხდებოდა ყურის შეჩვევა ბილწისტყვაობისთვის.

აქაც პირდაპირ ჩანს, რომ კონკრეტული ელემენტი ჩვენი ეროვნული იდენტობის არ მოწონს და არ სიამოვნებს კონკრეტულ პოლიტიკურ ძალას და ისინი მიზანმიმართულად, სხვადასხვა ფორმით, მათ შორის ბილწსიტყვაობით აჩვევენ ყურს იმას, რომ შენ შეიძლება საკუთრი ენა შეურაცხყო", — განაცხადა მან.

კობახიძემ ისაუბრა იმაზეც, რომ "რადიკალური ოპოზიცია" მამულსა და რწმენასაც შეურაცხყოფს, კონკრეტულად იმით, რომ თავს ესხმის ეკლესიასა და პატრიარქს და "დაკარგული აქვს მიწები". ის ოპოზიციის წარმომადგენლებს "უსამშობლო" ხალხს უწოდებს და აცხადებს, რომ ისინი ეროვნული იდენტობის სამივე ფლანგზე ებრძვიან ქვეყანას.