"მოძრაობა კულტურული მემკვიდრეობისთვის" კულტურის სამინისტროს, კულტურული მემკვიდრეობის დაცვის ეროვნულ სააგენტოსა და თბილისის მერიას მოუწოდებს, დაუყოვნებლივ დაიწყონ კონსულტაციები კანონით განსაზღვრულ ვადებში რუსთაველის გამზირზე გამოვლენილი არქეოლოგიური ფენებისა თუ არტეფაქტების შესასწავლად და პროექტის მიმდინარეობისას საზედამხედველო პროცესის უკეთ კოორდინირებისთვის.

"მოძრაობა კულტურული მემკვიდრეობისთვის" მიმართავს კულტურის სამინისტროს, საქართველოს კულტურული მემკვიდრეობის დაცვის ეროვნულ სააგენტოს და დედაქალაქის მერიას. დაიწყონ კონსულტაციები, კანონით განსაზღვრულ ვადებში რუსთაველის გამზირზე გამოვლენილი არქეოლოგიური ფენებისა თუ არტეფაქტების შესასწავლად და პროექტის მიმდინარეობისას არქეოლოგიური საზედამხედველო პროცესის უკეთ კოორდინირებისთვის", — წერია განცხადებაში.

"მოძრაობა კულტურული მემკვიდრეობისთვის" ასევე წერს, რომ სარეაბილიტაციო სამუშაოების დროს თავისუფლების მოედნის მეტროსა და საქართველოს ეროვნული მუზეუმის მონაკვეთში აგურის წყობები (სავარაუდოდ XIX საუკუნის ძველი "გარეთუბნის" კოლექტორების სისტემა) და სავარაუდოდ X-XI საუკუნეების კერამიკული ჭურჭელი აღმოაჩინეს.

"გვსურს გამოვეხმაუროთ რუსთაველის გამზირზე მიმდინარე სამუშაო პროცესს. როგორც უკვე ცნობილია 23 ივლისს დედაქალაქის მთავარი გამზირის სარეაბილიტაციო სამუშაოები დაიწყო (სამუშაოების შემსრულებელი კომპანია "სმარტ სოლუშენსი”).

სამუშაოების მიმდინარეობისას თავისუფლების მოედნის მეტროსა და საქართველოს ეროვნული მუზეუმს შორის მონაკვეთში აღმოჩენილი იქნა აგურის წყობები, სავარაუდოდ XIX საუკუნის ძველი "გარეთუბნის" კოლექტორების სისტემა, ასევე ჩვენს ხელთ არსებული ინფორმაციით სავარაუდოდ X-XI საუკუნეების უამრავი კერამიკული ჭურჭელი. აღნიშნულ მონაკვეთში სამუშაოები უკვე შეჩერებულია, თუმცა აქამდე უცნობია იგეგმება თუ არა გამოვლენილი ფენების შესწავლა და რა ბედი ელით სამომავლოდ.

ასევე დღემდე უცნობია იმ სპეციალისტის ან სპეციალისტთა ჯგუფის ვინაობა (ასეთის არსებობის შემთხვევაში) რომელიც კანონის შესაბამისად არქეოლოგიურ ზედამხედველობას უნდა ახორციელებდეს სარეაბილიტაციო სამუშაოებზე.

"მოძრაობა კულტურული მემკვიდრეობისთვის" მიესალმება ყველა იმ პროექტს რომელიც დედაქალაქის იერსახის გაუმჯობესებას ისახავს მიზნად, თუმცა ამავდროულად ძალიან მნიშვნელოვანია სამუშაო პროცესში დაცული იყოს კანონი "კულტურული მემკვიდრეობის შესახებ"(თავი III, მუხლი 10)", — წერია განცხადებაში.

აღნიშნულთან დაკავშირებით "მოძრაობა კულტურული მემკვიდრეობისთვის" ერთ-ერთმა წარმომადგენელმა "ტვ პირველთან" საუბარში აღნიშნა, რომ უცნობია იმ სპეციალისტის ან სპეციალისტთა ჯგუფის ვინაობა, ვინც არქეოლოგიურ ზედამხედველობას უნდა უწევდეს სარეაბილიტაციო სამუშაოებს. მისივე განმარტებით, მიმართავენ კულტურის სამინისტროს, საქართველოს კულტურული მემკვიდრეობის დაცვის ეროვნულ სააგენტოს, თბილისის მერიას, რათა დაიწყონ კონსულტაციები კანონით განსაზღვრულ ვადაში გამოვლენილი არქეოლოგიური ფენებისა თუ არტეფაქტების შესასწავლად.

"თავისუფლები მეტროსა და საქართველოს ეროვნულ მუზეუმს შორის მონაკვეთში აღმოჩენილია აგურის წყობა, სავარაუდოდ, მე-19 საუკუნის ძველი გარეთუბნის კოლექტორთა სისტემა, ასევე აღმოჩენილია უამრავი კერამიკის ჭურჭელი, რომელიც ჩვენს ხელთ არსებული ინფორმაციით, X-XI საუკუნეებს განეკუთვნება. მართალია, სამუშაოები შეჩერებულია, თუმცა დღემდე უცნობია, როდის დაიწყება გამოვლენილი არქეოლოგიური ფენების შესწავლა და საერთოდ, რა ბედი ელის მათ. ასევე უცნობია იმ სპეციალისტის ან სპეციალისტთა ჯგუფის ვინაობა, თუ ასეთი არსებობს, ვინც არქეოლოგიურ ზედამხედველობას უნდა უწევდეს სარეაბილიტაციო სამუშაოებს.

ჩვენ მივმართავთ კულტურის სამინისტროს, საქართველოს კულტურული მემკვიდრეობის დაცვის ეროვნულ სააგენტოს, თბილისის მერიას, დაიწყონ კონსულტაციები კანონით განსაზღვრულ ვადაში გამოვლენილი არქეოლოგიური ფენებისა თუ არტეფაქტების შესასწავლად და აგრეთვე, პროექტის მიმდინარეობისას ეფექტური არქეოლოგიური საზედამხედველო პროცესის კოორდინაციისთვის," — აღნიშნა მან.