დაჭრილ მებრძოლთა თანადგომის ფონდი აგრძელებს სამ­ხედ­რო მო­სამ­სა­ხუ­რე­ებ­ისა და ვე­ტე­რა­ნების მხარდაჭერას. 2026 წელს შემოწირულობებმა 561,749.00 ლარი შეადგინა, საიდანაც 335 000 ლარი დაჭრილ მებრძოლთა და მათი ოჯახის წევრების ჯანმრთელობას, პროფესიულ გადამზადებასა და სასწავლო პროგრამების დაფინანსებას მოხმარდა. აგვისტოს მდგომარეობით, ფონდმა 74 ბენეფიციარისთვის გამოყო თანხა.

საანგარიშო პერიოდში ფონდის მიერ გაწეული დახმარება მოიცავდა:

• 128,981 ლარი — 50%-იანი თანადაფინანსება 11 ბენეფიციარისთვის;
• 64,677 ლარი — ორი გადაუდებელი ოპერაციის დასაფინანსებლად;
• 61,564 ლარი — ბენეფიციართა არასრულწლოვანი შვილების მხარდასაჭერად;
• 40,030 ლარი — სამედიცინო მომსახურებისთვის;
• 20,846 ლარი — ბენეფიციართა მეუღლეების მხარდასაჭერად;
• 11,821 ლარი — განათლებისა და პროფესიული გადამზადებისთვის;
• 6,925 ლარი — მედიკამენტებისთვის;
• 987 ლარი — გარემოს ადაპტაციისთვის.

კომ­პა­ნია სილ­ქნეტ­მა დაჭ­რილ მებ­რძოლ­თა თა­ნად­გო­მის ფონ­დი 2018 წელს და­ა­ფუძნა და ყო­ველ­წლი­უ­რად 300 000 ლა­რის დო­ნა­ცი­ით მო­ნა­წი­ლე­ობს ქველ­მოქ­მე­დე­ბა­ში. ფონდის შემომწირველები არიან სხვადასხვა კომპანია და კერძო პირები. ფონ­დი მხარ­ში უდ­გას სა­ქარ­თვე­ლოს ტე­რი­ტო­რი­უ­ლი მთლი­ა­ნო­ბის­თვის ბრძო­ლებ­ში და სა­ერ­თა­შო­რი­სო სამ­შვი­დო­ბო მი­სი­ებ­ში მო­ნა­წი­ლე სამ­ხედ­რო მო­სამ­სა­ხუ­რე­ებ­სა და ვე­ტე­რა­ნებს, რომ­ლებ­მაც მძი­მე ფი­ზი­კუ­რი და­ზი­ა­ნე­ბე­ბი მი­ი­ღეს სა­ო­მა­რი მოქ­მე­დე­ბე­ბის დროს. ამას­თან, ფონ­დი აფი­ნან­სებს ბე­ნე­ფი­ცი­არ­თა მე­უღ­ლე­ე­ბის სა­მე­დი­ცი­ნო სა­ჭი­რო­ე­ბებს, სხვა­დას­ხვა სას­წავ­ლო და პრო­ფე­სი­უ­ლი გა­დამ­ზა­დე­ბის კურსს, რითაც დაჭ­რილ მებ­რძოლ­თა მე­უღ­ლე­ებს და­საქ­მე­ბისა და ახა­ლი პრო­ფე­სი­ის და­უფ­ლე­ბის შე­საძ­ლებ­ლო­ბა ეძლევათ.

ახალი პროფესია სამხედრო მოსამსახურეების მეუღლეებისთვის

დაჭრილ მებრძოლთა თანადგომის ფონდმა გრძელვადიან პროექტს ჩაუყარა საფუძველი, რომელიც დაჭრილი მებრძოლებისა და ვეტერანების მეუღლეებს პროფესიულ გადამზადებასა და თვითდასაქმების შესაძლებლობას sთავაზობს. პროგრამის ფარგლებში, ბენეფიციარები ტრენინგ ცენტრში — ახალი კარიერა ექვსთვიან კურსს გადიან — ტანსაცმლის კონსტრუირებასა და კერვაში.

სწავლების პროცესში მონაწილეები ეუფლებიან როგორც თეორიულ ცოდნას, ისე პრაქტიკულ უნარებს — საქარგავ და საკერავ მანქანებთან მუშაობას, პროდუქტის მოდელირებას, სამოსის დამზადების სრულ ციკლს. კურსის დასრულების შემდეგ მათ შეეძლებათ დასაქმდნენ, შექმნან საკუთარი მცირე ბიზნესი და გააუმჯობესონ ოჯახის ფინანსური მდგომარეობა.

ფონდის ინვესტიცია მომავალი თაობის განათლებაში

დაჭრილ მებრძოლთა თანადგომის ფონდი დიდ ყურადღებას უთმობს საგანმანათლებლო აქტივობების მხარდაჭერას. ვეტერანთა არასრულწლოვანი შვილებისთვის შემუშავდა სპეციალური სასწავლო კურსი კომპიუტერულ პროგრამირებასა და ინგლისურ ენაში. კურსი სექტემბრიდან ამოქმედდება.

დაჭრილი სამხედრო მოსამსახურეთა არასრულწლოვანი შვილები მონაწილეობენ სხვადასხვა ვორკშოფსა და ტრეინინგში, რომლებიც მანგლისის სკოლა საბადოში იმართება. დავით ბეჟუაშვილის განათლების ფონდის ინიციატივით დაარსებულ ლიდერობის აკადემია საბადოსა და ფონდს შორის მემორანდუმს გასულ წელს მოეწერა ხელი. საბადოში გამართული საგანმანათლებლო აქტივობები უფასოდ არის ხელმისაწვდომი დაჭრილ მებრძოლთა თანადგომის ფონდის ბენეფიციართა არასრულწლოვანი შვილებისთვის, რომლებიც 2025-2026 წლებში 8 სხვადასხვა თემატურ პროგრამაში ჩაერთნენ. მათ შორისაა ისეთი პროგრამები, როგორებიცაა ადგილობრივი თვითმმართველობა, მენეჯმენტი და ეკონომიკა, დიპლომატია და საერთაშორისო ურთიერთობები, კრიზის მენეჯმენტი, პოლიტიკური სისტემები და მათი მართვა. ასევე, მათთვის ხელმისაწვდომია საერთაშორისო პროგრამები, რომლებიც საბადომ თავის პარტნორებთან, ჰარვარდისა და სტენფორდის უნივერსიტეტებთან ერთად განახორციელა: ლიდერობის კურსი (ჰარვარდი) და პოლიტიკის ფსიქოლოგია სოციალურ მედიაში (სტენფორდი).

გრძელვადიანი მხარდაჭერა სამხედროთა სპორტული გუნდებისთვის

ფონდი აქტიურად უდგას მხარში საქართველოს თავდაცვის სამინისტროს დაჭრილ მებრძოთა სპორტულ გუნდს, რომელიც სპორტის სხვადასხვა სახეობის ტურნირებში მონაწილეობს. ბენეფიციართა ფსიქოლოგიური და ფიზიკური რეაბილიტაციის მიზნით, ფონდმა ბრიტანულ საერთაშორისო საქველმოქმედო ორგანიზაცია Invictus Games Foundation-თან თანამშრომლობით, სხვადასხვა წელს მჯდომარე კალათბურთისა და მშვილდოსნობის გუნდები აღჭურვა სპეციალური სპორტული ინვენტარით. გრძელვადიანი მხარდაჭერა დაჭრილ სამხედრო მოსამსახურეებს საშუალებას აძლევს წარმატებას მიაღწიონ პარა სპორტულ ტურნირებში. ახლახან, ფონდის დაფინანსებით, შეძენილია რაგბის 10 ეტლი, რითაც მებრძოლთა კიდევ ერთი სპორტული გუნდი ჩამოყალიბდა. სამხედროთა სპორტული გუნდები 2027 წელს ძლიერთა თამაშებში მონაწილეობისთვის მოემზადებიან, რომელიც დიდ ბრიტანეთში, ბირმინგემში გაიმართება.

ტრა­დი­ცი­ად იქცა, ყოველწლიურად, დაჭ­რილ­თა მხარ­და­სა­ჭე­რი საქ­ველ­მოქ­მე­დო გარ­ბე­ნის ორ­გა­ნი­ზე­ბა, რომ­ლის ინი­ცი­ა­ტო­რი თბი­ლი­სის სამ­ხედ­რო ატა­შე­თა ასო­ცი­ა­ცი­აა. უკვე მე­სა­მე წე­ლია, სხვა­დას­ხვა ქვეყ­ნის სამ­ხედ­რო ატა­შე­ე­ბი, სა­ქარ­თვე­ლოს თავ­დაც­ვის სა­მი­ნის­ტროს­თან და დაჭ­რილ მებ­რძოლ­თა თა­ნად­გო­მის ფონდთან ერ­თად ატა­რე­ბენ სპორ­ტულ ღო­ნის­ძი­ე­ბას, რომ­ლის მი­ზა­ნია სა­ზო­გა­დო­ე­ბა­ში ფონ­დის შე­სა­ხებ ცნო­ბი­ე­რე­ბის ამაღ­ლე­ბა. გარ­ბენ­ში რე­გის­ტრა­ცი­ი­დან შე­მო­სუ­ლი თან­ხა სრუ­ლად ირი­ცხე­ბა დაჭ­რილ მებ­რძოლ­თა თა­ნად­გო­მის ფონდში.

დაჭრილ მებრძოლთა თანადგომის ფონდში დონაციის განსახორციელებლად შექმნილია საქველმოქმედო ნომერი 0 901 777 771 (1 ზარი — 1 ლარი) და გახსნილია ანგარიშები, სადაც ნებისმიერი თანხით შესაძლებელია გმირი მებრძოლების მხარდაჭერა.

გავერთიანდეთ ჩვენი გმირებისთვის!