ლაგოდეხის მუნიციპალიტეტში დედის განზრახ, მძიმედ დაჭრის ბრალდებით, 17 წლის მოზარდი დააკავეს.

შინაგან საქმეთა სამინისტროს ინფორმაციით, გამოძიებით დადგინდა, რომ დაკავებულმა მიმდინარე წლის 15 თებერვალს, ლაგოდეხის ერთ-ერთ სოფელში 42 წლის ქალს ცივი იარაღით ჯანმრთელობის დაზიანება მიაყენა.

"დაშავებულ ქალი გადაყვანილია კლინიკაში, სადაც შესაბამისი მკურნალობა უტარდება. პოლიციამ დანაშაულის ჩადენის იარაღი — დანა, ნივთმტკიცების სახით ამოიღო", — აცხადებენ შსს-ში.

ოჯახის წევრის მიმართ ჩადენილ ჯანმრთელობის განზრახ მძიმე დაზიანების საქმეზე გამოძიება საქართველოს სისხლის სამართლის კოდექსის 11 პრიმა 117-ე მუხლის მესამე ნაწილის "ე" ქვეპუნქტით მიმდინარეობს. დანაშაული 5-დან 8 წლამდე ვადით თავისუფლების აღკვეთას ითვალისწინებს.