ლაგოდეხის მუნიციპალიტეტში ქალი დაჭრეს. არსებული ინფორმაციით, ქალს ცივი იარაღით ჭრილობები მუცლის, გულ-მკერდისა და ქვედა კიდურის არეში მიაყენეს.

დაჭრილი ლაგოდეხის ერთ-ერთ კლინიკაშია გადაყვანილი.

შინაგან საქმეთა სამინისტროში On.ge-ს განუცხადეს, რომ მომხდარზე გამოძიება სისხლის სამართლის კოდექსის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს. მათივე ცნობით, სავარაუდო დამნაშავე იდენტიფიცირებულია და ამ დროისთვის მისი დაკითხვა მიმდინარეობს.