კრიტიკის შემდეგ მართლმადიდებელი ეკლესიის საპატრიარქო დეკანოზ თადეოზის "შენდობის თხოვნის წერილს" აქვეყნებს. როგორც დეკანოზი წერილში აღნიშნავს, მას ისეთ თემებზე იქადაგა, რაზეც არ ჰქონდა ლოცვა-კურთხება და შეცდომები დაუშვა.

"ვითხოვ შენდობას ჩემი მღვდელმთავრისგან იმის გამო, რომ ვიქადაგე ისეთ თემებზე, რომლებზეც არ მქონდა მისი ლოცვა-კურთხევა. მოძღვარი უფლებამოსილია, ეკლესიაში იქადაგოს მხოლოდ სახარებისა და საეკლესიო დღესასწაულების განმარტება. ეს ქადაგება, რომელიც იყო არაკორექტული, გავიდა სოციალურ ქსელებში და დიდი შეშფოთება გამოიწვია საზოგადოებაში. ვაღიარებ, რომ შეცდომები დაშვებული იყო ეროვნული, სოციალური და პედაგოგიური კუთხით, რისთვისაც შენდობას ვითხოვ ჩემი პატრიარქისა და მთელი საზოგადოებისგან", — აღნიშნულია წერილში.

დეკანოზმა თადეოზმა 24 იანვრის ქადაგებისას თქვა, რომ უმჯობესია ბავშვი პატარა მოკვდეს, ვიდრე გაიზარდოს და "უმაქნისი" იყოს. ამასთან, დეკანოზი ანტისემიტური, არმენოფობიური გამონათქვამებითაც გამოირჩევა. ის, ასევე, კორონავირუსის ვაქცინააციის წინააღდმეგ ქადაგებს და მოსახლეობას მოუწოდებს აცრა არ გაიკეთოს.