ყოველწლიურად იანვრის მესამე ორშაბათი წლის ყველაზე სევდიან და დეპრესიულ დღედ მოიაზრება. ეს დღე წელს 18 იანვარს მოუწია, რომელსაც Blue Monday (ნაღვლიანი ორშაბათი) ეწოდება.

თეორიის მიხედვით, ამ დღეს ყველას გვიტევს პასუხისმგებლობები, ვხვდებით, რომ ახალი წლის გეგმებს არც თუ კარგად მივყვებით, ცივა და ხელფასამდე ჯერ კიდევ შორია. 2021 წელს, ამ სიას ფაქტობრივი ლოქდაუნიც ემატება.

ტერმინი პირველად ამერიკელმა ფსიქოლოგმა, კლიფ არნალმა გამოიყენა და მან ე.წ. ფორმულაც კი შექმნა, რომლითაც ნაღვლიანი ორშაბათი გამოითვლება.

  • W = ამინდი;
  • D = სესხი;
  • d = ხელფასი;
  • T = დრო შობიდან;
  • Q = იმ დღეების რაოდენობა, რომლებშიც ახალი წლის გეგმები გვეფუშება;
  • M = მოტივაციის უქონლობა;
  • Na = ცვლილების მოთხოვნილება.

გთავაზობთ 5 რჩევას, როგორ დავუძვრეთ ნაღვლიანი ორშაბათის სევდას:

1. მოუსმინე მხიარულ სიმღერას

Old, but Gold.

2. დახურე ლეპტოპი, პირბადეს ხელი დასტაცე და ქუჩაში გაისეირნე

ფოტო: Giphy

გონებას მაინც გაისუფთავებ, უკანა გზაზე კი მოზღვავებულ ენერგიას და ოპტიმიზმს იგრძნობ. სანამ ხმაც ხალისიანი გაქვს, იქნებ ოჯახის წევრებთან დარეკვაც აღარ დაგეზარორ.

3. ზღვის ცხვარის ფოტოები დაათვალიერე

ფოტო: Jim Lynn

ზღვის ცხვარი, იგივე ფოთოლა ცხვარი [Leaf Sheep], წყლის ქვეშ ცხოვრობს, არც გადასახადებზე დარდობს, არც ხელფასზე, არც ახალი წლის პასუხისმგებლობებზე, უბრალოდ წყალმცენარეებს ჭამს და მაინც ასეთი ლამაზია.

4. უყურე ტომი და ჯერის

როგორი უდარდელი ყოფილა ჩვენი ბავშვობა, როცა უბრალოდ ამ ეპიზოდებზე ვხითხითებდით.

5. ადრე დაიძინე

ფოტო: Diana-Elena Vilcu / Dribbble

თუ დასაძინებლად დღეს მაინც წახვალ დროულად და არა დილის 6 საათზე, ხვალინდელ დილას ბევრად ენერგიულად დაიწყებ და პატარა ცვლილებების განხორციელება არც ისე წარმოუდგენლად მოგეჩვენება.

Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.