ფოთში აქციის 4 მონაწილე დააკავეს. რუსთავის 2-ის ინფორმაციით, ისინი პროტესტს თავიდან მერიის შენობასთან გამოხატავდნენ, თუმცა ქალაქის მერი, გოჩა კურდღელია აქტივისტებს არ შეხვდა, რის გამოც საპროტესტო აქციამ მის სახლთან გადაინაცვლა. დაპირისპირება აქციის მონაწილეებსა და მერის მეზობლებთან სწორედ კურდღელიას სახლთან მოხდა.

შინაგან საქმეთა სამინისტროში On.ge-ს განუცხადეს, რომ მომხდარზე 4 პირი ადმინისტრაციულ სამართალდარღვევათა კოდექსის 166-ე და 173-ე მუხლების გათვალისწინებით არიან დაკავებულნი, რაც ხულიგნობასა და პოლიციის კანონიერი მოთხოვნისადმი დაუმორჩილებლობას გულისხმობს.

ფოთში, მერიის ადმინისტრაციული შენობის წინ შეკრებილები ქალაქში თევზის უსიამოვნო სუნს აპროტესტებდნენ.