დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ევროპაში მილიონ მოსახლეზე კორონავირუსის ახალი შემთხვევების მაჩვენებლით საქართველომ მე-8 ადგილზე გადმოინაცვლა. მისი თქმით, ამავე მაჩვენებლით დეკემბრის დასაწყისში, საქართველო პირველ ადგილს იკავებდა.

"მნიშვნელოვანია ისიც, რომ თუ ჩვენ დეკემბრის დასაწყისში 1 მილიონ მოსახლეზე, ახალი შემთხვევების რაოდენობით პირველ ადგილზე ვიყავით ევროპაში და ზოგიერთ მომენტში მსოფლიოშიც, ეს უკვე ჩამოსულია: ევროპაში ვართ სადღც მე-8 ადგილზე, მსოფლიოში სადღაც მე-12 ადგილზე, ანუ ეს მაჩვენებელიც მცირდება", — განაცხადა გამყრელიძემ.

28 დეკემბრის მონაცემებით, საქართველოში კორონავირუსის 538 ახალი შემთხვევა დადასტურდა, გამოჯანმრთელდა — 2 766 პირი, გარდაიცვალა — 41 ადამიანი.

დღემდე გამოვლენილი დადასტურებული შემთხვევების საერთო რაოდენობა შეადგენს 222 143-ს. ხოლო ჯამში გამოჯანმრთელებულთა რაოდენობა გაიზარდა 206 313-მდე. პანდემიის გავრცელებიდან დღემდე ვირუსს ჯამში 2 418 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: