ჩინეთში სამოქალაქო ჟურნალისტს, რომელიც უხანში კორონავირუსის საკითხებს აშუქებდა, ოთხი წლით თავისუფლების აღკვეთა მიუსაჯეს. BBC-ის ინფორმაციით, ჟურნალისტ ჩჟანგ ჩჟანს დაპირისპირების წახალისებასა და პრობლემების პროვოცირებაში ედება ბრალი.

37 წლის ყოფილი ადვოკატი მაისში დააკავეს. მან შიმშილობა გამოაცადა, თუმცა, როგორც ადვოკატი ამბობს, ციხეში ჟურნალისტს ძალით აჭმევენ. გარდა ამისა, მას თავისა და მუცლის მუდმივი ტკივილი აწუხებს.

ჩინეთში მედია თავისუფლება კრიტიკულ ნიშნულზე და დამოუკიდეველი ჟურნალისტების ხშირად იდევნებიან. როგორც BBC წერს, საბრალდებო დასკვნის თანახმად, ჩჟანგ ჩჟანი უხანში თებერვალში გაემგზავრა, რათა კორონავირუსის პანდემიის აფეთქება თვითონ გაეშუქებინა. მისი პირდაპირი ეთერები სოციალური ქსელებით ძალიან სწრაფად გავრცელდა, რამაც ჩინეთის ხელისუფლების ყურადღება მიიპყრო.

ჩინეთის უფლებადამცველების ქსელის განცხადებით (CHRD), ჩჟანგ ჩჟანის გაშუქების არეალში მოხვდა სხვა დამოუკიდებელი ჟურნალისტების დაკავებები და დაზარალებულთა ოჯახის წევრები, რომლებიც სამართლიანობას ითხოვდნენ. ჟურნალისტი 14 მაისს გაუჩინარდა და ერთი დღის თავზე ცნობილი გახდა, რომ შანხაის პოლიციამ დააკავა.

ოფიციალური ბრალი მას ნოემბრის დასაწყისში წაუყენეს. ბრალდების განცხადებაში ნათქვამია, რომ ჩჟანი სოციალური ქსელებით ცრუ ინფორმაციას ავრცელებდა, ასევე, უცხოურ მედიასთან უხანის ვირუსზე ბოროტი განზრახვით საუბრობდა.