ნაციონალური მოძრაობის თავმჯდომარის, ნიკა მელიას განცხადებით, მას მჭიდრო კავშირი ექნება მიხეილ სააკაშვილთან, თუმცა პარტიის მართვა საქართველოში განხორციელდება.

"ჩემი საქმიანობა იქნება ძალიან მჭიდრო კავშირში მიხეილ სააკაშვილთან, მაგრამ მართვა პარტიის იქნება საქართველოში. მე მაქვს ამოცანა, რომ პარტია გაიზარდოს ელექტორალური თვალსაზრისით, პარტიამ კიდევ მეტი უნარი გამოავლინოს სხვა პარტიებთან თანამშრომლობისა. რაც გვაქვს მყარი ელექტორალური ბაზა, იმას უნდა დავაშენოთ და დავაშენებთ. მესამე — სამოქალაქო პროტესტი აუცილებლად აბუყბუყდება და აქაც ჩვენ უნდა ვიყოთ აქტიურები, უნდა ვიყოთ ერთობის კონტექსტში და ფარგლებში მოქცეულები, რომ არცერთ ოპოზიციურ პარტიას არ გაუჩნდეს განცდა, რომ ჩვენ რაღაცისთვის მათ ვიყენებთ", — განაცხადა მელიამ მთავარი არხის ეთერში.

27 დეკემბერს ნიკა მელია ერთიანი ნაციონალური მოძრაობის თავმჯდომარედ პარტიის ყრილობაზე დაამტკიცეს.