ნავთლუღის ბაზარში გარემოვაჭრეებმა დახლების დადგმა სცადეს, პოლიცია კი მათ ამის უფლებას არ აძლევს. გარემოვაჭრეების განცხადებით, ისინი რეგიონებიდან ჩამოვიდნენ და ეს მათი შემოსავლის ერთადერთი წყაროა. მათივე თქმით, იცავენ დისტანციას და რეგულაციებით გათვალისწინებულ ყველა წესს შეასრულებენ.

მთავრობის მიერ მიღებული გადაწყვეტილებით, 24 დეკემბრიდან ბაზრობები არ გაიხსნა. დიდ ქალაქებში დაშვებულია სავაჭრო ობიექტების მუშაობა, თუმცა დამატებითი რეგულაციების პირობებში. კერძოდ, სამუშაო საათები განისაზღვრება დილის 7 საათიდან საღამოს 7 საათამდე.