გარემოვაჭრეები მუშაობის უფლებას ითხოვენ, აქციაა ბაზრობა თერგიწ წინ გაიმართა.

"ვიყდეთ ტავარი, ორი დღეა ვდგევართ, ეს ნაყიდი ტავარი, სესხით ნაშოვნი არ გვაყენებენ და არ გვამუშავებენ, გვეუბნებიან მოვიყვანთ მანქანას დავდებთ თქვენს ტავარს და წავიღებთო. ჩვენ რა გავაკეთოთ? არ გვინდა ახალი წელი გავითენოთ?", — ამბობს ერთ-ერთი აქციის მონაწილე.

ბაზრობის წინ შეკრებილი გარემოვაჭრეების თქმით, ისინი არ დათმობენ და გზის გადაკეტვასაც აანონსებენ იმ შემთხვევაში, თუ მუშოაბის უფლება არ მისცეს.

24 დეკემბრიდან მხოლოდ დიდ ქალაქებში დაშვებულია სავაჭრო ობიექტების მუშაობაც, თუმცა დამატებითი რეგულაციების პირობებში. კერძოდ, სამუშაო საათები განისაზღვრება დილის 7 საათიდან საღამოს 7 საათამდე. მაღაზიის ფართის ყოველ 20 კვადრატულ მეტრზე დაშვებული იქნება ერთი მომხმარებელი. შიდა და გარე სივრცეში რიგები უნდა გაკონტროლდეს. ფასდაკლებების აქციები უნდა გამოცხადდეს ან დილის საათებში, ან ონლაინგაყიდვების დროს. ამის მიზეზი კი, როგორც ცქიტიშვილმა თქვა, ისაა, რომ მაღაზიაში ბევრი ადამიანის კონცენტრაცია არ მოხდეს.

დამატებითი შეზღუდვები შეეხო ტანსაცმლის მაღაზიებსაც, სადაც გასახდელები აღარ მუშაობს. გარდა ამისა, ცქიტიშვილი ამბობს, რომ მაღაზიებმა პროდუქციის დაბრუნება ან გადაცვლა უნდა დაუშვან ერთი თვის ვადაში და ეს უნდა მოხდეს მხოლოდ პირველი თებერვლის შემდეგ. სავაჭრო ცენტრებში იკრძალება კვების ობიექტების ფუნქციონირება, მათ შორის გატანის სერვისით.