დაავადებათა კონტროლის ცენტრის დირექტორის, ამირან გამყრელიძის განცხადებით, რეკომენდირებულია, რომ ხალხი, რომელმაც კორონავირუსის ინფექცია გადაიტანა, კიდევ აიცრას. მისი თქმით, მოსახლეობის დაახლოებით 15-%-ს გადატანინლი აქვს კოვიდი, თუმცა, უცნობია, რამდენი ხნით ექნებათ მათ იმუნიტეტი — სავარაუდოდ, 8 თვე განიხილება.

"რეკომენდირებულია რომ ეს ხალხი მაინც კიდევ აიცრას, მაგრამ არა პირველ რიგში. საოგადოებრივი იმუნიტეტი რომ შეიქმნას, დაახლოებით 60% მაინც უნდა იყოს იმუნური ფენა , ანუ გადატანილს პლუს აცრილი", — განაცხადა მან.

გარდა ამისა, გამყრელიძემ აღნიშნა, რომ შესაძლოა, კოვაქს პლატფორმაზე ადრე ვაქცინა ევროკავშირის ქვეყნებიდან მივიღოთ. მისი თქმით, დიდი ქვეყნები ვაქცინას მეტობით ყიდულობენ, რომ შემდეგ სხვა ქვეყნებს გაუნაწილონ. მანვე აღნიშნა, რომ კორონავირუსის ვაქცინაციის გეგმაზე უკვე მუშაოენ და პირველი "დრაფტი" ორშაბათს იქნება.

"ორშაბათს იქნება პირველი დრაფტი, როგორც იტყვიან, ვაქცინების დანერგვის გეგმისა საქართველოში. ყველა ვერსიაზე ვმუშაობთ. არის 4 ვაქცინა, რომლითაც მიმდინარეობს აცრა: ფაიზერის ვაქცინა, რომელსაც სჭირდება -70 გრადუსიანი ცივი ჯაჭვი; მოდერნა, რომელსაც სჭირდება -20-იანი და შემდეგ არის 2-დან 8 გრადუსზე ვაქცინები; მათ, შორის წამყვანი იქნება ასტრაზენეკას და ოქსფორდის უნივერსიტეტის ვაქცინა. ", — განაცხადა მან.

25 დეკემბრის მონაცემებით, საქართველოში კორონავირუსის 1 881 ახალი შემთხვევა დადასტურდა, გამოჯანმრთელდა —1 515 პირი, გარდაიცვალა — 37 ადამიანი. გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 218 724-ს, გამოჯანმრთელებულია 196 220, გარდაიცვალა 2 313.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: