პრემიერმინისტრმა გახარიამ TV პირველის ჟურნალისტს უთხრა, რომ თუ იტერპრეტაციას დაანებებს თავს, კითხვას პირველს დაასმევინებს და "წვალება" არ მოუწევს. მანამდე, ჟურნალისტებისთვის კომენტარის მიცემის პერიოდში, სხვა მედიების წარმომადგენლებს კითხვების დასმის საშუალება მიეცათ, ხოლო TV პირველის ჟურნალისტს გახარია ეუბნებოდა, რომ მის კითხვას ბოლოს უპასუხებდა.

ტელეკომპანიის კითხვა ბადრი ესეუბას საკითხე შს მინისტრ გომელაურის განცხადებას ეხებოდა, რომელმაც თქვა, რომ პრემიერმინისტრისგან ჰქონდა ბრძანება, არც ერთი ადამიანის სისხლი არ დაღვრილიყო.

"რა თქმა უნდა, ჩემი დავალება შინაგან საქმეთა სამინისტროს მიმართ, აბსოლუტურად მართალს ამბობს ბატონი ვახტანგი, იყო, რომ ჩვენი მოქალაქეების სისხლი არ დაიღვაროს. თქვენ ინტერპრეტაციებს თუ დაანებებთ თავს, მაშინ პირველს დაგასმევინებთ ხოლმე კითხვას და მერე არ მოგიწევთ წვალება. რა თქმა უნდა, ეს არის ჩემი მოვალეობა, ისევე, როგორც შინაგან საქმეთა სამინისტოს მოვალეობაა, ნებისმიერ შემთხვვეაში სასჯელის გარდაუვალობა იყოს აღსრულებული და მერწმუნეთ, რომ შინაგან საქმეთა სამინისტრო ამ დავალებას შეასრულებს. თქვენ თუ გგონიათ, რომ მსგავსი საკითხებით რაღაც წინააღდეგობას გააჩენთ ჩემსა და შინაგან საქმეთა მინისტრს შორის... ცდილობთ აშკარად, არ გამოგდით, მაგრამ ცდილობთ. ჩემი დავალება იყო მაშინ და ეს იყო აბსოლუტურად ლეგიტიმური და სწორი დავალება, რომ ჩვენი მოქალაქეების, მშვიდობიანი მოქალაეების სისხლი არ უნდა დაღვრილიყო. ამასთან ერთად, რომ სასჯელის გარდაუვალობა უნდა დადგეს და დადგება ძალიან მალე", — თქვა გახარიამ.