რესტორანთა ასოციაციის ვიცე პრეზიდენტის, შოთა ბურჯანაძის თქმით, თუ სარესტორნო ბიზნესმა არ იმუშავა და გადასახადები არ გადაიხადა, ეს ქვეყნის ბიუჯეტზეც შესაბამისად აისახება.

"ბიზნესს უწევს ურთულეს რეალობაში ყოფნა. პირადად მე, არამართებულად მიმაჩნია, როდესაც ვამბობ, ბიზნესს უწევს. ბიზნესი არის შემქმნელი სახელმწიფოს იმ დოვლათის, რომელიც ისევ ჩვენ, ადამიანებს გვიბრუნდება. ის არის გადამხდელუნარიანი. თუ გადასახადი არ შევიდა, ვერ დაფინანსდება ვერც ის ეპიდემიოლოგი, ვერც პენსია და ვერც საბიუჯეტო სახსრები", — ამბობს ბურჯანაძე.

მისი თქმით, ეპიდემიოლოგები შეზღუდვების დაწესებას კი არ უნდა ითხოვდნენ, უნდა ცდილობდნენ შევძლოთ პანდემიასთან თანაცხოვრება.

"დღეს არის ქვეყანაში ორ მხარეს შორის ჭიდილი — ეკონომიკურ ჯგუფსა და ეპიდემიოლოგებს შორის. ერთ-ერთმა ეპიდემიოლოგმა გააჟღერა, ჩემი ნება და ჩემი სურვილი რომ იყოს, ექვსი თვით მთელ მსოფლიოს ჩავკეტავდიო და ამით გადავარჩენდი ეპიდემიასთან ბრძოლაშიო. მე ვერ ვპოულობ ჩემსა და ეპიდემიოლოგს შორის განსხვავებას. ვთქვათ, მეც შემეძლება ექვსი კვირა ჩავკეტო მსოფლიო, ამ შემთხვევაში რა როლს თამაშობს ეპიდემიოლოგი? ეპიდემიოლოგის როლი არის, რომ ამ პანდემიასთან მიმართებაში არ დავიხოცოთ და შესაძლებლობა გვქონდეს თანაცხოვრების ამ ეპიდემიასთან. ჩაკეტვით როდესაც წყვეტ ამ პრობლემა, ეს შეუძლია ყველას და ეს არ არის ეპიდემიოლოგის პრეროგატივა და კომპეტენცია", — განაცხადა შოთა ბურჯანაძემ.

საკოორდინაციო საბჭოს გადაწყვეტილებით, რესტორნები და კვების ობიექტები ქვეყნის მასშტაბით აგრძელებენ მუშაობას მხოლოდ გატანის სერვისზე.

გაიგეთ მეტი: