პრემიერმინისტრობის კანდიდატ გიორგი გახარიას თქმით, ქვეყანაში იქნება ვაქციnა, თუმცა არ გვქონდეს გადაჭარბებული მოლოდინი, რომ პრობლემას ორ თვეში მოაგვარებს. ამის შესახებ მან პარლამენტში განაცხადა.

"საქართველო არის უკვე კოვაქს პლატფორმის წევრი, რომელიც ევროპაში შემოტანილი ვაქცინების საქართველოში შემოტანის გარანტიას გვაძლევს. წინასწარ ამისთვის გარკვეული ფინანსური რესურსი გადახდილი გვაქვს. თუმცა დღეს ვერავინ ვერ გვეტყვის, როდის და რა რაოდენობით იქნება მოწოდება. თუმცა ყველას კარგად უნდა გვესმოდეს, რომ საქართველო იქნება ერთ-ერთი პირველი, რომელიც ვაქცინას მიიღებს და პირველ რიგში დაიწყებს რისკის შემცველი ჩვენი მოქალაქეების ვაქცინაციის პროცესს. მაგრამ ეს არ ნიშნავს იმას, რომ როგორც კი ვაქცინა გამოჩნდება ერთ ან ორ თვეში პრობლემა გადაწყდება. ვაქცინა არის შესაძლებლობა, რომ რისკები შევამციროთ. პირველ რიგში, სიკვდილიანობის რისკები. ამიტომ ვაქცინა იქნენ, მაგრამ არ უნდა გვქონდეს გადაჭარბებული მოლოდინები, რომ ერთ ან ორ თვეში პრობლემას მოაგვარებს", — ამბობს გახარია.

23 დეკემბრის მონაცემებით, საქართველოში კორონავირუსის 2 345 ახალი შემთვევა დადასტურდა, გამოჯანმრთელდა — 3 560 პირი, გარდაიცვალა — 51 ადამიანი.